വിവാഹമോചനത്തെ പറ്റി മനസ്സ് തുറന്ന് നടി സാധിക വേണുഗോപാല്‍. പക്വതയുള്ള പ്രായത്തില്‍ തന്നെയായിരുന്നു വിവാഹം നടന്നതെന്നും വീട്ടുകാര്‍ ആലോചിച്ചാണ് വിവാഹം നടന്നതെന്നും എന്നാല്‍ ചില പ്രശ്‌നങ്ങള്‍ തുടരെ സംഭവിച്ചതിനാല്‍ പതിയ വിവാഹമോചനത്തില്‍ കലാശിക്കുകയായിരുന്നുവെന്നും സാധിക പറയുന്നു. വിവാഹമോചനം ചെയ്‌തെങ്കിലും മുന്‍ ഭര്‍ത്താവിന്റെ ഫോട്ടോ സമൂഹമാധ്യമങ്ങളിലെ പ്രൊഫൈലുകളില്‍ നിന്ന് നീക്കം ചെയ്തിട്ടില്ലെന്നും സാധിക വ്യക്തമാക്കി. ഒരു യൂട്യൂബ് ചാനലിന് നല്‍കിയ അഭിമുഖത്തിലാണ് താരം മനസ് തുറന്നത്.

എന്റെ വിവാഹം കഴിഞ്ഞതാണ്. സന്തോഷത്തോടെ വിവാഹമോചനം നേടി ജീവിക്കുന്നു. ഞാന്‍ പക്വതയോടെ എടുത്ത തീരുമാനമായിരുന്നു വിവാഹം. എന്നാല്‍ അത് ശരിയായില്ല. എന്റെ പ്രൊഫൈലില്‍ നിന്നും പഴയ ചിത്രങ്ങളൊന്നും ഞാന്‍ ഡിലീറ്റ് ചെയ്തിട്ടില്ല. ഗൂഗിളില്‍ തിരഞ്ഞാലും എന്റെ വിവാഹഫോട്ടോ കിട്ടും. എന്റെ സുഹൃത്തുക്കളില്‍ ഒരാളാണ് വിവാഹാലോചനയുമായി വന്നത്. ഒരു വര്‍ഷത്തോളം സംസാരിച്ച് പരസ്പരം മനസിലാക്കിയാണ് വിവാഹം കഴിച്ചത്. പക്ഷേ ശരിയായില്ല.

വിവാഹമോചനത്തിന് പ്രത്യേകിച്ച് കാരണം ഒന്നുമില്ല. ചിലരുടേത് ശരിയാകും ചിലരുടേത് ശരിയാകില്ല എന്നെ പറയാനാകു. എന്തെങ്കിലും ചെയ്താല്‍ അത് പൂര്‍ണമായും ശരിയാകണമെന്നൊരു കാഴ്ചപ്പാട് എനിക്കുണ്ട്. എന്റെ ഭര്‍ത്താവ് എല്ലാ കാര്യങ്ങളും പങ്കുവെയ്ക്കണമെന്ന ആഗ്രഹം എനിക്കുണ്ട്. ആളുടെ പ്രശ്‌നവും ടെന്‍ഷനും എന്തുതന്നെയായാലും തുറന്ന് പറയണം. അങ്ങനെയെല്ലാം ചെയ്യാതാകുമ്പോള്‍ അത് പ്രശ്‌നമാകും. കാലം കഴിയും തോറും അത് വലുതായി അങ്ങനെയൊക്കെയാണ് വിവാഹമോചനത്തിലെത്തിയത്. സാധിക പറഞ്ഞു.