കെ ആര്‍ അനൂപ്|
Last Modified ഞായര്‍, 25 ഓഗസ്റ്റ് 2024 (15:38 IST)
മലയാള സിനിമയില്‍ അധികം കണ്ടിട്ടില്ലാത്ത ത്രില്ലറുകള്‍ സമ്മാനിച്ച തിരക്കഥാകൃത്താണ് അഭിലാഷ് പിള്ള. മാളികപ്പുറത്തിലൂടെ കരിയറിലെ ഉയര്‍ന്ന സമയത്തിലൂടെ കടന്നു പോകുകയാണ് അദ്ദേഹം. വരാനിരിക്കുന്ന സിനിമകളും ഏറെ പ്രതീക്ഷ നിറഞ്ഞതാണ്. 11 വര്‍ഷങ്ങള്‍ക്ക് മുമ്പ് മക്കള്‍ക്ക് 28 ദിവസം മാത്രം പ്രായമുള്ളപ്പോള്‍ ആരംഭിച്ചതാണ് തന്നെ സിനിമ ജീവിതമെന്നും, ആ മകള്‍ ഇന്ന് തന്റെ സിനിമകള്‍ ചേര്‍ത്തുണ്ടാക്കിയ പോസ്റ്റര്‍ സോഷ്യല്‍ മീഡിയയില്‍ പങ്കു വെച്ചപ്പോള്‍ അത് തനിക്ക് വളരെയധികം സന്തോഷം തന്നുവെന്നും അഭിലാഷ് പിള്ള പറയുന്നു. അദ്ദേഹം പങ്കുവെച്ച കുറിപ്പാണ് ശ്രദ്ധ നേടുന്നത്.
"അച്ചായി ദേ വൈഗ മോൾ എഡിറ്റ്‌ ചെയ്‌തതാണേ വാട്സാപ്പിൽ ഇങ്ങനെ ഒരു വോയിസ്‌ മെസ്സേജിനൊപ്പം വൈഗ മോൾ അയച്ച ഈ ഫോട്ടോയോട് വല്ലാതെ ഇഷ്ടം തോന്നി കാരണം അവൾ ജനിച്ചു 28 ദിവസമുള്ളപ്പോൾ തുടങ്ങിയതാ ഞാൻ സിനിമയുടെ പുറകെയുള്ള ഓട്ടം, 11 വർഷങ്ങൾ അവളുടെ പ്രായമാ എന്റെ സിനിമ ജീവിതത്തിന്"-അഭിലാഷ് പിള്ള കുറിച്ചു.
