സൂര്യയുടെ ജയ് ഭീം ഒരുപാട് ജീവിതങ്ങള്‍ക്ക് വെളിച്ചം ആക്കുകയാണ്. സിനിമ കണ്ടവര്‍ അത്രപെട്ടെന്ന് സെങ്കേനി എന്നാ കഥാപാത്രത്തെ മറക്കില്ല. ചിത്രത്തിലെ ആ കഥാപാത്രത്തിന് പ്രചോദനമായ പാര്‍വതിക്ക് വീട് നിര്‍മിച്ച് നല്‍കുമെന്ന് നടന്‍ രാഘവ ലോറന്‍സ് പ്രഖ്യാപിച്ചു.

28 വര്‍ഷങ്ങള്‍ക്ക് മുമ്പ് പാര്‍വതിയുടെ ഭര്‍ത്താവായ രാസക്കണ്ണ് കൊല ചെയ്യപ്പെടുകയായിരുന്നു. അവരുടെ ഇന്നത്തെ അവസ്ഥ ഒരു യൂട്യൂബ് ചാനലൂടെയാണ് താന്‍ അറിഞ്ഞതെന്നും അത് അറിഞ്ഞപ്പോള്‍ തനിക്ക് വല്ലാത്ത വിഷമം തോന്നി എന്നും കൂടുതല്‍ വിവരങ്ങള്‍ വാര്‍ത്ത റിപ്പോര്‍ട്ട് ചെയ്ത മാധ്യമപ്രവര്‍ത്തകനെ വിളിച്ച് അന്വേഷിച്ചിരുന്നുവെന്നും രാഘവ ലോറന്‍സ് പറഞ്ഞു.

ചെന്നൈ പോരൂരിലെ ഓലമേഞ്ഞ കുടിലാണ് അവര്‍ ഇപ്പോള്‍ താമസിക്കുന്നത്. പാര്‍വതിയുടെ ഒപ്പം മകള്‍ക്കും മരുമകനും പേരക്കുട്ടികളും ഉണ്ട്.

28 വര്‍ഷങ്ങള്‍ക്ക് മുമ്പ് നടന്ന സംഭവം ചര്‍ച്ചാവിഷയമാക്കിയ ജയ്ഭീം ടീമിനെയും സംവിധായകനെയും നടന്‍ സൂര്യയും ലോറന്‍സ് അഭിനന്ദിച്ചു.