കെ ആര്‍ അനൂപ്|
Last Modified ശനി, 15 ഏപ്രില്‍ 2023 (09:10 IST)
നടന്‍ ആര്യന്‍ രമണി ഗിരിജാവല്ലഭന്‍ സംവിധാനം ചെയ്യുന്ന പുതിയ സിനിമയില്‍ അവസരം. നിവിന്‍ പോളി നായകനായി എത്തുന്ന ചിത്രം ഈയടുത്താണ് പ്രഖ്യാപിച്ചത്. ഇപ്പോള്‍ സംവിധായക സഹായികളെ തേടുകയാണ് നിര്‍മ്മാതാക്കള്‍. കൂടുതല്‍ വിവരങ്ങള്‍ സംവിധായകന്‍ ആര്യന്‍ തന്നെ കൈമാറി.
'നിവിന്‍ പോളി നായകനാകുന്ന ഞാന്‍ എഴുതി സംവിധാനം ചെയ്യുന്ന സിനിമക്ക് വേണ്ടി സംവിധാന സഹായികളേ ആവശ്യം ഉണ്ട്. മുന്‍പ് സംവിധാന സഹായിയായി പ്രവര്‍ത്തിച്ച് പരിചയമുള്ളവര്‍ക്കും അത് പോലെ പാഷന്‍ ഉള്ള മുന്‍ പ്രവര്‍ത്തി പരിചയം ഇല്ലാത്തവര്‍ക്കും, ഒരു വര്‍ഷം നിങ്ങളുടെ ജീവിതത്തില്‍ നിന്ന് മാറ്റി വെക്കാന്‍ സാഹചര്യം ഉള്ളവര്‍, സ്വന്തം
സിനിമ പോലെ രാവും പകലും, കൈയും മെയ്യും മറന്ന് കൂടെ നില്‍ക്കാന്‍ മനസ്സുള്ളവര്‍
7012318139 എന്ന നമ്പറിലേക്ക് WhatsApp ചെയ്യുക.
ഒരുമിച്ച് പഠിക്കാം, ഒരുമിച്ച് വളരാം.. '-ആര്യന്‍ കുറിച്ചു.
ആനയുടെ രൂപമുള്ള പോസ്റ്റര്‍ പങ്കുവെച്ചുകൊണ്ടാണ് സിനിമയുടെ പ്രഖ്യാപനം. അഭിനേതാക്കളെയും മുഴുവന്‍ ടീമിനെയും നിര്‍മാതാക്കള്‍ പിന്നീട് അറിയിക്കും.
അതിശയിപ്പിക്കുന്ന കഥയുടെ ഭാഗമാകാന്‍ കഴിഞ്ഞതില്‍ അതിയായ സന്തോഷം ഉണ്ടെന്ന് നിവിന്‍ പോളി പറഞ്ഞു. തിരക്കഥയും സംവിധായകന്‍ തന്നെയാണ് ഒരുക്കുന്നത്
