അനുബന്ധ വാര്ത്തകള്
- കാര്ഷിക നിയമം: പ്രതിപക്ഷ പാര്ട്ടി നേതാക്കള് ഇന്ന് രാഷ്ട്രപതിയെ കാണും
- പെട്രോൾ വിലയിലൊന്നും കാര്യമില്ല, വണ്ടി തള്ളിയത് പ്രതിപക്ഷത്ത് ഇരുന്നപ്പോളല്ലെയെന്ന് കെ സുരേന്ദ്രൻ
- മൺറോ തുരുത്തിൽ സിപിഎം പ്രവർത്തകനെ ബിജെപി പ്രവർത്തകൻ വെട്ടിക്കൊന്നു; അഞ്ച് പാഞ്ചായത്തുകളിൽ സിപിഎം ഹർത്താൽ
- മോദിയുടെ വാരണാസിയിൽ ബിജെപിയ്ക്ക് തിരിച്ചടി; രണ്ട് സീറ്റിലും എസ്പിയ്ക്ക് ജയം
- രജനികാന്തിന്റെ പാർട്ടി ചീഫ് കോർഡിനേറ്റർ മുൻ ബിജെപി നേതാവ്, താരത്തിന്റെ രാഷ്ട്രീയപ്രവേശനത്തെ സ്വാഗതം ചെയ്ത് ബിജെപി
ഭാര്യയുടെ അച്ഛന്റെയും അമ്മയുടെയും പേരുകൾ വോട്ടേഴ്സ് ലിസ്റ്റിലില്ല, വോട്ട് ബിജെപിക്കെന്ന് ഉറപ്പുള്ളതുകൊണ്ട് കട്ട് ചെയ്തു: കൃഷ്ണകുമാർ
ബിജെപിക്ക് വോട്ടുകൾ പോകുമെന്ന് ഉറപ്പുള്ളതിനാൽ തന്റെ ഭാര്യയുടെ അമ്മയുടെയും അച്ഛന്റെയും പേരുകൾ വോട്ടേഴ്സ് ലിസ്റ്റിൽ നിന്നും മനപൂർവം ഒഴിവാക്കിയെന്ന ആരോപണവുമായി നടൻ കൃഷ്ണകുമാർ. ബിജെപി ഭരണത്തിൽ എത്താനുള്ള സാഹചര്യമാണുള്ളതെന്നും പക്ഷേ വോട്ടേഴ്സ് ലിസ്റ്റിൽ തിരിമറികൾ നടന്നിട്ടുണ്ടെന്നും കൃഷ്ണകുമാർ പറഞ്ഞു.
ബിജെപി ഭരണത്തിൽ വരാനുള്ള എല്ലാ സാഹചര്യവും ഒത്തു വരുന്നുണ്ട്. പക്ഷേ വോട്ടേഴ്സ് ലിസ്റ്റിൽ എന്തൊക്കെയോ തിരിമറികൾ നടന്നിട്ടുണ്ട് എന്ന് എല്ലാ മേഖലയിലും നിന്നും കേൾക്കുന്നു. എന്റെ കുടുംബത്തിൽ നിന്ന് പോലും അനുഭവമുണ്ടായി. തിരുവനന്തപുരം വട്ടിയൂർക്കാവ് നെട്ടയത്തു താമസിക്കുന്ന എന്റെ ഭാര്യയുടെ അച്ഛനും അമ്മയും വോട്ടേഴ്സ് ലിസ്റ്റിൽ ഇല്ല എന്നത് വോട്ടെടുപ്പ് ദിവസമാണ് അറിയുന്നത്. അന്വേഷിച്ചപ്പോൾ വീട്ടിൽ ആളില്ലാത്തതുകൊണ്ടു ലിസ്റ്റിൽ നിന്നും ഒഴിവാക്കി എന്നാണ് പറയുന്നത്. പക്ഷേ അവർ വർഷങ്ങളായി അവിടെ താമസിക്കുന്നവരാണ്.
അവർ ബിജെപിക്ക് വോട്ട് ചെയ്യുമെന്ന് ഉറപ്പുള്ളതുകൊണ്ടു ലിസ്റ്റിൽ നിന്നും കട്ട് ചെയ്തു എന്നാണു കരുതേണ്ടത്. ഇത്തരം തിരിമറികൾ നടക്കുന്നുണ്ടെങ്കിലും ബിജെപി തന്നെ ഇത്തവണ ജയിക്കും എന്നാണ് ഞാൻ കരുതുന്നത് കൃഷ്ണകുമാർ പറഞ്ഞു.
