അനുബന്ധ വാര്ത്തകള്
- ദേശീയ സുരക്ഷാ ഉപദേഷ്ടാവ് അജിത് ഡോവലിന്റെ വസതിയില് അതിക്രമിച്ച് കയറാന് ശ്രമിച്ചയാളെ പൊലീസ് അറസ്റ്റുചെയ്തു
- കൂടുതല് കൊവിഡ് ബൂസ്റ്റര് ഡോസ് സ്വീകരിക്കുന്നത് രോഗപ്രതിരോധ ശേഷിയെ ദുര്ബലപ്പെടുത്തുമെന്ന് വിദഗ്ധര്
- സംസ്ഥാനത്ത് 15 മുതല് 17 വയസുവരെയുള്ള കുട്ടികളില് 75 ശതമാനം പേരും കൊവിഡ് ആദ്യഡോസ് വാക്സിന് സ്വീകരിച്ചു
- ജിയോ ലാപ്ടോപ്പ് 'ജിയോബുക്ക്' വിപണിയിലേക്ക്
- ഈ മാസം വരെ രാജ്യത്ത് 28 ലക്ഷത്തിലധികം കൊവിഡ് വാക്സിന് ഡോസുകള് ഗര്ഭിണികള്ക്ക് നല്കി
ഇന്ദ്രന്സ് നല്കിയ വലിയ സമ്മാനം, സംവിധായകന് ഡോ.ബിജുവിന് വീട് പണിയാന്, കുറിപ്പ്
അപ്രതീക്ഷിതമായി ഇന്ദ്രന്സേട്ടനും മകന് മഹീന്ദ്രനും രാവിലെ വീട്ടിലെത്തിയെന്ന് സംവിധായകന് ഡോ.ബിജു.വീടു പണി നടക്കുന്ന സമയത്ത് തന്റെ കയ്യിലേക്കു വച്ചു തന്ന അപ്രതീക്ഷിത സമ്മാനത്തെക്കുറിച്ചും അദ്ദേഹം പറയുന്നു.
ഡോ.ബിജുവിന്റെ കുറിപ്പ്
അപ്രതീക്ഷിത അതിഥി
അപ്രതീക്ഷിതമായി ഇന്ദ്രന്സേട്ടനും മകന് മഹീന്ദ്രനും രാവിലെ വീട്ടിലെത്തി . വീട് പണി എന്തായി എന്നൊക്കെ ഇടയ്ക്കിടെ വിളിച്ചു അന്വേഷിക്കുകയും ഒരു ദിവസം വീട് പണി കാണാന് അങ്ങോട്ട് വരുന്നുണ്ട് എന്ന് പറയുകയും ചെയ്തിരുന്നതാണ് . ഇന്നിപ്പോള് എറണാകുളത്തേക്ക് പോകുന്ന വഴി അടൂര് വീട്ടിലേക്കു രാവിലെ എത്തി . വീട് പണി നടക്കുന്നിടത്തു പോയി മൊത്തം നോക്കി കണ്ടു . അവിടെ ഉണ്ടായിരുന്ന ജോലിക്കാര്ക്കൊപ്പം സന്തോഷത്തോടെ ഫോട്ടോ എടുത്തു . വലിയ സന്തോഷം ഉള്ള ഒരു ദിവസം . വീട് പണി എന്നത് വലിയ ബുദ്ധിമുട്ടുള്ള സമയം ആണ് . കല്ലായും മണ്ണായും ഒക്കെ അതിലേക്ക് കൂട്ടാന് ഇത് കൂടി ഇരിക്കട്ടെ എന്ന് പറഞ്ഞു അപ്രതീക്ഷിതമായി ഒരു സമ്മാനവും നിര്ബന്ധപൂര്വം കയ്യില് വെച്ച് തന്നു. ....ഈ സ്നേഹത്തിനും കരുതലിനും എങ്ങനെയാണ് നന്ദി പറയുക ...
