അനുബന്ധ വാര്ത്തകള്
- തെറ്റ് തിരിച്ചറിഞ്ഞുവെന്ന് പറയുന്നത് സെക്ഷ്വല് അബ്യൂസിന് പരിഹാരമല്ല, വേടൻ സോഷ്യൽ ക്രിമിനല്ലെന്ന് രേവതി സമ്പത്ത്
- സിനിമ നിന്റെയൊന്നും സ്വകാര്യ സ്വത്തല്ല, ഷിജുവിനെതിരെ ആഞ്ഞടിച്ച് രേവതി സമ്പത്ത്
- “മറ്റൊരാളുടെ സ്വകാര്യതയിൽ കടന്നുകയറി അവരെ കീറിമുറിച്ച് വേദനിപ്പിക്കുന്നവര് ഇത് ഓര്ക്കുന്നില്ലേ?” - അനശ്വര രാജൻ ചോദിക്കുന്നു
- 'ഇൻസർട്ട് ചെയ്യാൻ സമ്മതിച്ചില്ലെങ്കിലും കുഴപ്പമില്ല, ബാക്കിയെങ്കിലും ചെയ്യാൻ കിട്ടുമോ' എന്ന് എന്നോട് ചോദിച്ച നടൻ സിദ്ദിഖിന്റെ കൂറുമാറ്റം അത്ഭുതപ്പെടുത്തുന്നില്ല: രേവതി സമ്പത്ത്
- 'പ്രിയപ്പെട്ട സുരേഷേട്ടന്'; പിറന്നാള് ആശംസകളുമായി മുക്ത ജോര്ജ്ജും ആന്റോ ജോസഫും
ഗീത വിജയനും രേവതിയും തമ്മിലുള്ള ബന്ധം അറിയാമോ?
ഒരൊറ്റ സിനിമകൊണ്ട് മലയാളികളുടെ പ്രിയപ്പെട്ട താരമായ നടിയാണ് ഗീത വിജയന്. സൂപ്പര്ഹിറ്റ് ചിത്രമായ ഇന് ഹരിഹര് നഗറിലൂടെയാണ് ഗീത സിനിമയിലേക്ക് എത്തുന്നത്. ഇന് ഹരിഹര് നഗറിലെ മായ എന്ന കഥാപാത്രം ഏറെ ശ്രദ്ധിക്കപ്പെട്ടു. പിന്നീട് വിവിധ ഭാഷകളിലായി നൂറിലേറെ സിനിമകളില് ഗീത അഭിനയിച്ചു. മലയാള സീരിയലുകളിലും ഗീത അഭിനയിച്ചിട്ടുണ്ട്. നടി രേവതിയുമായി ഗീത വിജയന് വളരെ അടുത്ത ബന്ധമുണ്ട്. ഗീതയുടെ കസിന് സിസ്റ്ററാണ് രേവതി. ഇരുവരും തമ്മില് വളരെ അടുത്ത സൗഹൃദവുമുണ്ട്.
ഗീത വിജയന് സിനിമയിലേക്ക് അവസരം ലഭിക്കുന്നത് തന്നെ രേവതി വഴിയാണ്. ഫാസിലിന്റെ (സംവിധായകന്) അസോസിയേറ്റ് ഒരു സിനിമയെടുക്കുന്നുണ്ടെന്നും അതിലേക്ക് പുതുമുഖത്തെ ആണ് ആവശ്യമെന്നും രേവതി ഗീതയെ അറിയിച്ചു. ഗീതയുടെ പേര് താന് സജസ്റ്റ് ചെയ്ത കാര്യവും രേവതി പറഞ്ഞു. എന്നാല്, ഗീത ഒഴിഞ്ഞുമാറാന് ശ്രമിച്ചു. അഭിനയം എന്താണെന്ന് അറിയില്ലെന്നും അഭിനയിക്കാന് മോഹമില്ലെന്നും പറഞ്ഞ് രക്ഷപ്പെടാനാണ് ഗീത ശ്രമിച്ചത്. എന്നാല്, രേവതി നിര്ബന്ധിച്ചു. ഫാസിലിന്റെ അടുത്തേക്ക് രേവതി തന്നെയാണ് ഗീതയെ കൊണ്ടുപോയത്. ഫാസിലിനോട് സംസാരിച്ചു. എങ്ങനെയെങ്കിലും തന്നെ റിജക്ട് ചെയ്യണമെന്നാണ് അന്ന് പ്രാര്ത്ഥിച്ചിരുന്നതെന്ന് ഗീത പിന്നീട് വെളിപ്പെടുത്തിയിട്ടുണ്ട്. എന്നാല്, ആ സിനിമയിലേക്ക് ഗീതയെ സെലക്ട് ചെയ്തു. സിദ്ധിഖ്-ലാല് കൂട്ടുകെട്ടില് പിറന്ന ഇന് ഹരിഹര് നഗറിലെ മായ എന്ന കഥാപാത്രത്തിനുവേണ്ടിയാണ് രേവതി അന്ന് ഗീത വിജയനെ ഫാസിലിന്റെ മുന്നിലെത്തിച്ചത്.
