ശാരീരിക ബുദ്ധിമുട്ടുകളെ തുടര്‍ന്ന് നടി നവ്യാനായരെ ആശുപത്രിയില്‍ പ്രവേശിപ്പിച്ചു. സുഖ വിവരങ്ങള്‍ അന്വേഷിക്കുവാന്‍ പ്രിയ സുഹൃത്തും നടിയുമായ നിത്യ ദാസ് എത്തിയിരുന്നു. ഭക്ഷണവുമായി ബന്ധപ്പെട്ട അസ്വസ്ഥകളെ തുടര്‍ന്നാണ് നവ്യയെ ആശുപത്രിയില്‍ പ്രവേശിപ്പിച്ചത്. പേടിക്കേണ്ടതായി ഒന്നുമില്ലെന്ന് താരവുമായി ബന്ധപ്പെട്ട അടുത്ത വൃത്തങ്ങള്‍ അറിയിച്ചു.

'ജാനകി ജാനേ'എന്ന പുതിയ സിനിമയുടെ പ്രെമോഷനുമായി ബന്ധപ്പെട്ട് തിയേറ്ററുകളില്‍ നടി നേരിട്ട് എത്താറുണ്ടായിരുന്നു.സുല്‍ത്താന്‍ ബത്തേരിയിലേക്കുള്ള യാത്രയ്ക്കിടെയായിരുന്നു ശാരീരിക ബുദ്ധിമുട്ടുകള്‍ അനുഭവപ്പെട്ടത്. ആരോഗ്യപ്രശ്‌നങ്ങള്‍ കാരണം തനിക്ക് സുല്‍ത്താന്‍ ബത്തേരിയില്‍ എത്താന്‍ സാധിച്ചില്ലെന്ന് നടി അറിയിച്ചിരുന്നു. ആശുപത്രി വിട്ടാല്‍ പ്രെമോഷനുമായി നടി മുന്നോട്ട് പോകും.