അനുബന്ധ വാര്ത്തകള്
- ആൻ അഗസ്റ്റിനും ജോമോൻ ടി ജോണും വിവാഹമോചിതരാകുന്നു
- കട്ടക്കലിപ്പിൽ മമ്മൂട്ടിയും മഞ്ജു വാര്യരും, ദി പ്രീസ്റ്റ് ഫെബ്രുവരി 4ന്
- അടിപൊളി ആക്ഷൻ രംഗങ്ങളുമായി അല്ലു അർജുന്റെ 'പുഷ്പ' തിയേറ്ററുകളിലേക്ക്, റിലീസ് ഡേറ്റ് പുറത്ത്
- മോഹൻലാലിന്റെ 'ആറാട്ട്' ക്ലൈമാക്സിലേക്ക്, അവസാന ഷെഡ്യൂൾ എറണാകുളത്ത്
- സിനിമ തീയറ്ററുകളിൽ കൂടുതൽ ആളുകളെ പ്രവേശിപ്പിയ്ക്കാം: കൂടുതൽ ഇളവുകൾ പ്രഖ്യാപിച്ച് കേന്ദ്രം
വീണ്ടും മീശപിരിച്ച് മോഹൻലാൽ, 'ആറാട്ട്' അടുത്ത 100 കോടി ചിത്രമെന്ന് ആരാധകർ
മോഹൻലാലിൻറെ ആറാട്ട് ഒരുങ്ങുകയാണ്. വീണ്ടും മോഹൻലാൽ മീശ പിരിച്ചെത്തുന്ന ചിത്രം കൂടിയാണിത്. ഒരു ഗാനരംഗത്തിന് വേണ്ടി ലാൽ മീശ പിരിക്കുന്നത് എന്നതാണ് ശ്രദ്ധേയം. ഒരു ഇടവേളയ്ക്കു ശേഷം മോഹൻലാലിൻറെ അടിപൊളി ആക്ഷൻ രംഗങ്ങൾ കാണാനായി കാത്തിരിക്കുകയാണ് ഓരോ ആരാധകരും. ഉദയകൃഷ്ണയുടെ തിരക്കഥയില് ബി ഉണ്ണികൃഷ്ണന് സംവിധാനം ചെയ്യുന്ന ചിത്രത്തിലെ ചില ഭാഗങ്ങൾ വരിക്കാശ്ശേരിമനയും ചിത്രീകരിച്ചിരുന്നു. 12 ദിവസത്തോളം ഇവിടെ ചിത്രീകരണം ഉണ്ടായിരുന്നു.
നരസിംഹം, ആറാം തമ്പുരാന്, മിസ്റ്റര് ഫ്രോഡ് എന്നീ ചിത്രങ്ങൾക്ക് ശേഷം വരിക്കാശ്ശേരി മനയിൽ ചിത്രീകരിക്കുന്ന മറ്റൊരു മോഹൻലാൽ ചിത്രം കൂടിയാണിത്. നിലവിൽ ഊട്ടിയിൽ ചിത്രീകരണം പുരോഗമിക്കുകയാണ്. അതിനുശേഷം ടീം എറണാകുളത്ത് തിരിച്ചെത്തുകയും ക്ലൈമാക്സ് രംഗങ്ങൾ ചിത്രീകരിക്കുകയും ചെയ്യും.
നൂറുകോടി ക്ലബ്ബിൽ കയറുന്ന മോഹൻലാലിൻറെ മറ്റൊരു ചിത്രം കൂടി ആകും ആറാട്ട് എന്നാണ് ആരാധകരുടെ പ്രതീക്ഷ. നെടുമുടി വേണു, ശ്രദ്ധ ശ്രീനാഥ്, രചന നാരായണന്കുട്ടി, ജോണി ആന്റണി, രാഘവന്, ഇന്ദ്രന്സ് എന്നിവരാണ് മറ്റു പ്രധാന വേഷങ്ങളിൽ എത്തുന്നത്. ഓണത്തിന് റിലീസ് ചെയ്യാനാണ് അണിയറ പ്രവർത്തകർ പദ്ധതിയിടുന്നത്. 20 കോടിയോളം ബജറ്റിലാണ് സിനിമ ഒരുങ്ങുന്നത്.
