ആദ്യം നൃത്തം, പിന്നെ പരസ്യം. ഇനി ആത്മകഥ. മഞ്ജു വാര്യര്‍ തന്‍റെ ജീവിതത്തില്‍ സംഭവിച്ചതെല്ലാം ആത്മകഥയിലൂടെ തുറന്നെഴുതാനൊരുങ്ങുന്നു. 'ഒരു പൂവിരിയും പോലെ' എന്ന് പേരിട്ടിരിക്കുന്ന ആത്മകഥാപരമായ കുറിപ്പുകള്‍ ഗൃഹലക്ഷ്മിയുടെ ഓഗസ്റ്റ് ലക്കം മുതല്‍ വായനക്കാര്‍ക്ക് മുമ്പിലെത്തും.
താന്‍ ആത്മകഥ എഴുതാന്‍ തീരുമാനിച്ചത് യാദൃശ്ചികമായാണെന്ന് മഞ്ജു വാര്യര്‍ പറഞ്ഞു. തന്‍റെ ജീവിതത്തില്‍ എല്ലാം യാദൃശ്ചികമായി സംഭവിക്കുകയായിരുന്നു എന്നും, ഇതും അങ്ങനെയാണ് കാണുന്നതെന്നും മഞ്ജു പറഞ്ഞു.
കുട്ടിക്കാലം, കലോത്സവവേദികള്‍, സിനിമാപ്രവേശം, പ്രണയം, വിവാഹം, മടങ്ങിവരവ് എല്ലാം ഈ ആത്മകഥാക്കുറിപ്പുകളില്‍ ഉണ്ടാകുമെന്നാണ് അറിയാന്‍ കഴിയുന്നത്. മഞ്ജുവിന്‍റെ ജീവിതത്തിലെ ആരും അറിയാത്ത ഏടുകള്‍ ഈ ആത്മകഥയിലൂടെ പുറം‌ലോകത്തെത്തുമ്പോള്‍ അത് വായിക്കാന്‍ കാത്തിരിക്കുകയാണ് ആരാധകവൃന്ദം.
അടുത്ത പേജില്‍ - ദിലീപും മഞ്ജു വാര്യരും വിവാഹമോചന ഹര്‍ജി നല്‍കി?
