ദിലീപ് നിര്‍മ്മിക്കും, കമലും മമ്മൂട്ടിയും മോഹന്‍ലാലും നായകന്മാര്‍, ‘ട്വന്‍റി20 - 2’ വരുന്നു!
WEBDUNIA|
PRO
ട്വന്‍റി20 എന്ന മെഗാഹിറ്റിന് രണ്ടാം ഭാഗമൊരുക്കാന്‍ ദിലീപ് തയ്യാറെടുക്കുന്നു. മോഹന്‍ലാലും മമ്മൂട്ടിയും കമല്‍ഹാസനും നായകന്‍‌മാരാകും. ദിലീപും സുപ്രധാന വേഷത്തിലെത്തും. കമല്‍ഹാസന്‍റേതാണ് കഥ. ഈ പ്രൊജക്ടിന് പ്രാരംഭ രൂപമാ‍യതായി റിപ്പോര്‍ട്ട്.
എന്നാല്‍ ചിത്രത്തിന്‍റെ തിരക്കഥ, സംവിധാനം ഇവ ആരാണെന്ന കാര്യത്തില്‍ വ്യക്തമായ റിപ്പോര്‍ട്ട് ലഭിച്ചിട്ടില്ല. ജോഷിയായിരിക്കില്ല ഈ ചിത്രത്തിന്‍റെ സംവിധാനമെന്നാണ് സൂചന. അതുപോലെ ഉദയകൃഷ്ണയും സിബി കെ തോമസും ഈ സിനിമയുടെ രചയിതാക്കളായി ഉണ്ടാകില്ല. മമ്മൂട്ടിയും മോഹന്‍ലാലും കമലും പ്രൊജക്ടിന് പച്ചക്കൊടി കാണിച്ചതായാണ് വിവരം.
ഒരു അടിപൊളി ത്രില്ലറിന് തന്നെയാണ് ടീം ശ്രമിക്കുന്നത്. നിര്‍മ്മാണരംഗത്തേക്ക് കൂടുതല്‍ സജീവമാകുന്നതിന്‍റെ ഭാഗമായാണ് ദിലീപ് ഈ പ്രൊജക്ട് ഒരുക്കുന്നതെന്നാണ് സൂചന.
2008 നവംബര് അഞ്ചിന് റിലീസായ ട്വന്‍റി20യുടെ നിര്‍മ്മാണച്ചെലവ് ഏഴുകോടി രൂപയായിരുന്നു. ചിത്രം 33 കോടി രൂപയാണ് കളക്ഷന്‍ നേടിയത്.
