ഒരാളാണ്, എന്നാല്‍ ഒരുപാട് പേരാണ്. അവന്‍റെ പ്രവൃത്തികള്‍ അങ്ങനെയാണ്. പല കാര്യങ്ങള്‍ അവന്‍ ഒരേ സമയം ചെയ്യും. പല സ്ഥലങ്ങളില്‍ അവന്‍ ഒരേ സമയത്ത് പ്രത്യക്ഷപ്പെടും. അവന്‍ ഒരാളല്ല എന്ന് വിശ്വസിക്കുന്ന ഒട്ടേറെപ്പേരുണ്ട്!
‘അനേകന്’ എന്ന പുതിയ തമിഴ് സിനിമയില്‍ ധനുഷ് അവതരിപ്പിക്കുന്ന കഥാപാത്രത്തിന്‍റെ സവിശേഷതയാണിത്. എന്നാല്‍ ഇത് ബൈപോളാര്‍ ഡിസോര്‍ഡറോ മള്‍ട്ടിപ്പിള്‍ പേഴ്സണാലിറ്റിയോ ഒന്നുമല്ലെന്ന് സംവിധായകന്‍ കെ വി ആനന്ദ് തന്നെ വ്യക്തമാക്കുന്നു. ഒരു അടിപൊളി ആക്ഷന്‍ റൊമാന്‍റിക് ത്രില്ലറാണ് ‘അനേകന്’ എന്നും ആനന്ദ് വ്യക്തമാക്കുന്നു.
ബോളിവുഡ് താരം അമൈറയാണ് ഈ സിനിമയില്‍ ധനുഷിന്‍റെ നായികയാകുന്നത്. അതുല്‍ കുല്‍ക്കര്‍ണി, ആശിഷ് വിദ്യാര്‍ത്ഥി തുടങ്ങിയവരും സുപ്രധാന കഥാപാത്രങ്ങളെ അവതരിപ്പിക്കുന്നു. കാര്‍ത്തിക്കാണ് മറ്റൊരു പ്രധാന വേഷത്തിലെത്തുന്നത്.
‘ആരംഭം’ എന്ന അജിത് ചിത്രത്തിന്‍റെ ഛായാഗ്രാഹകന്‍ ഓം‌പ്രകാശാണ് അനേകനും ക്യാമറയിലാക്കുന്നത്. വിയറ്റ്‌നാം, കം‌ബോഡിയ, മലേഷ്യ, ബൊളീവിയ എന്നിവിടങ്ങളിലാണ് ഈ സിനിമ ചിത്രീകരിക്കുന്നത്.
ഹാരിസ് ജയരാജാണ് സംഗീതം. ‘മാറ്റ്‌റാന്‍’ വേണ്ടത്ര വിജയം കൈവരിക്കാത്ത സാഹചര്യത്തില്‍ അനേകന് ഒരു വന്‍ ഹിറ്റ് ആകേണ്ടത് കെ വി ആനന്ദിന് ആവശ്യമാണ്.
