മണിച്ചിത്രത്താഴ് എന്ന സിനിമയുടെ തമിഴ് റീമേക്ക് ആയിരുന്നു ചന്ദ്രമുഖി.ചന്ദ്രമുഖിക്ക് രണ്ടാം ഭാഗം വരുന്നതാണ് വാര്‍ത്തകളില്‍ വീണ്ടും നിറയുന്നത്.രാഘവ ലോറന്‍സ് നായകനായി എത്തുന്ന സിനിമയില്‍ . നാഗവല്ലിയായി കങ്കണ റണൗട്ട് വേഷമിടുന്നു. തമിഴില്‍ നാഗവല്ലി എന്നത് ചന്ദ്രമുഖിയായിരുന്നു. ആദ്യഭാഗത്തില്‍ ജ്യോതികയാണ് ഈ കഥാപാത്രത്തെ അവതരിപ്പിച്ചത്. സ്വാഗതാഞ്ജലി എന്നാ ഗാനത്തിന്റെ ലിറിക്കല്‍ വീഡിയോയാണ് പുറത്തുവന്നിരിക്കുന്നത്.

സംഗീതം -എം.എം. കീരവാണി.

ആലാപനം - ശ്രീനിധി തിരുമല

വരികള്‍ - ചൈതന്യ പ്രസാദ്

വേട്ടയ്യനായി രാഘവ ലോറന്‍സ് വേഷമിടുന്നു. ഇതാകട്ടെ രജനികാന്ത് ആയിരുന്നു ആദ്യ ഭാഗത്തില്‍ ചെയ്തത്.

മണിച്ചിത്രത്താഴിയിലെ ശങ്കരന്‍ തമ്പിയുടെയും നാഗവല്ലിയുടെയും ജീവിതമാണ് ചന്ദ്രമുഖി 2 എന്ന സിനിമ പറയുന്നത്.ശങ്കരന്‍ തമ്പി എന്ന കഥാപാത്രമാണ് തമിഴില്‍ വേട്ടയ്യന്‍.

ആദ്യഭാഗം ഒരുക്കിയ പി വാസു തന്നെയാണ് ചന്ദ്രമുഖി 2 സംവിധാനം ചെയ്യുന്നത്. ഹൊറര്‍ കോമഡി ത്രില്ലര്‍ വിഭാഗത്തില്‍ പെടുന്ന ചിത്രം നിര്‍മ്മിക്കുന്നത് ലൈക പ്രൊഡക്ഷന്‍സ് ആണ്.

വടിവേലു, ലക്ഷ്മി മേനോന്‍, സൃഷ്ടി ഡാന്‍ഗെ, രാധിക ശരത്കുമാര്‍, മഹിമ നമ്പ്യാര്‍, രവി മരിയ തുടങ്ങിയ താരങ്ങള്‍ ചിത്രത്തിലുണ്ട്.