ബുദ്ധിപരമല്ലാത്ത കരിയര്‍ പ്ലാനിംഗ് കൊണ്ട് സൂപ്പര്‍സ്റ്റാര്‍ പദവിയില്‍ നിന്ന് പടിയിറങ്ങേണ്ടി വന്നേക്കാമെന്ന അവസ്ഥയിലാണ് സുരേഷ് ഗോപി ഇപ്പോള്‍. തനിക്കുനേരെ വരുന്ന പ്രൊജക്ടുകളെല്ലാം സൈന്‍ ചെയ്യുന്ന സ്വഭാവമാണ് മികച്ചനടനുള്ള ദേശീയ പുരസ്കാരം വരെ സ്വന്തമാക്കിയ മലയാളത്തിന്‍റെ പ്രിയപ്പെട്ട നടനെ അപകടത്തിലാക്കുന്നത്. ഇപ്പോഴും, നല്ല പ്രൊജക്ടുകളില്‍, ഷാജി കൈലാസിന്‍റെയും രണ്‍ജി പണിക്കരുടെയും ജോഷിയുടെയുമൊക്കെ സിനിമകളില്‍ അഭിനയിക്കുമ്പോള്‍, ഏറ്റവും വലിയ ക്രൌഡ് പുള്ളറാണ് താനെന്ന് തെളിയിക്കുന്ന താരം. അശ്രദ്ധ ഒരു സൂപ്പര്‍സ്റ്റാറിനെ നശിപ്പിക്കുകയാണ്.
1989 മുതല്‍ 1994 വരെയുള്ള കാലമാണ് സുരേഷ്ഗോപി എന്ന സൂപ്പര്‍സ്റ്റാറിന്‍റെ ഉദയകാലം. വ്യത്യസ്തവും ആവേശം ജനിപ്പിക്കുന്നതും വെല്ലുവിളിയുയര്‍ത്തുന്നതുമായ കഥാപാത്രങ്ങളെ സുരേഷ് ഗോപിക്ക് ആ കാലയളവില്‍ ലഭിച്ചു. ഷാജി കൈലാസ് എന്ന സംവിധായകന്‍റെ വരവും സുരേഷ് ഗോപിയുടെ സ്റ്റാര്‍ഡവും തമ്മില്‍ അഭേദ്യമായി ബന്ധപ്പെട്ടിരിക്കുന്നു.
സൂപ്പര്‍താര പദവിയിലേക്കുള്ള സുരേഷ്ഗോപിയുടെ യാത്രയെ മലയാളം വെബ്ദുനിയ പുനരവതരിപ്പിക്കുകയാണിവിടെ. സുരേഷ് ഗോപിയെ താരമാക്കി മാറ്റിയ 10 കഥാപാത്രങ്ങളിലൂടെ....
