ആ പ്രതിജ്ഞ പിന്നീട് സത്യമായി. ദേവാനന്ദ് നിര്‍മ്മിച്ച് ഗുരുദത്ത് ആദ്യമായി സംവിധാനം ചെയ്ത ബാസി എന്ന ചിത്രത്തില്‍ ദേവാനന്ദ് തന്നെ നായകനായി. ബല്‍രാജ-് സാഹ്നി രചന നിര്‍വഹിച്ച ആ ചിത്രം 1950 കളില്‍ ഒരു ട്രെന്‍റ്സെറ്ററായി.
ദേവാനന്ദിന്‍റെ ആദ്യ വിജയ ചിത്രം 1948 ല്‍ പുറത്തിറങ്ങിയ സിദ്ധി ആയിരുന്നു.
ദേവാനന്ദും ഗുരുദത്തും ഒന്നിച്ച അടുത്ത സംരംഭം 1952 ല്‍ പുറത്തു വന്നു. ജാല്‍ എന്ന ആ അധോലോക ചിത്രം പക്ഷേ, ബോക്സോഫീസില്‍ വിജ-യമായില്ല. പിന്നീട് ഒട്ടേറെ വിജയചിത്രങ്ങളില്‍ നായകനായി. അമ്പതുകളില്‍ ദിലീപ്കുമാര്‍, രാജ് കുമാര്‍, ദേവാനന്ദ് എന്നിവര്‍ ബോളിവുഡിലെ ത്രിമൂര്‍ത്തികള്‍ എന്നാണ് അറിയപ്പെട്ടിരുന്നത്.
ദേവാനന്ദ് പതിയെ പ്രണയചിത്രങ്ങളിലെ നായകനായി മാറുകയായിരുന്നു. ഇന്ത്യന്‍ സിനിമകളിലെ സുന്ദരനായ കാമുകനായി ദേവാനന്ദ്. മുനിം-ീ, പേയിംഗ് ഗസ്റ്റ്, പോക്കറ്റ് മാര്‍, ദുശ്മന്‍, കാലാബസാര്‍, ബോംബെ കാ ബാബു തുടങ്ങിയ ചിത്രങ്ങളിലൂടെ പെണ്‍കുട്ടികളുടെ സ്വപ്നനായകനായി ദേവാനന്ദ് മാറി.
