വിവാഹത്തെ കുറിച്ചാണെങ്കില്‍ ഉടന്‍ അതിനെ കുറിച്ച് ആലോചിക്കുന്നില്ല. കരിയറില്‍ മുന്നോട്ടുള്ള പോക്ക് മാത്രമാണ് ഇപ്പോള്‍ ലക്‍ഷ്യം. പിന്നെ...മനസ്സിലാക്കാന്‍ സാധിക്കുന്ന, തന്നോടൊപ്പം പരിഗണന നല്‍കാന്‍ കഴിയുന്ന ആര്‍ക്കെങ്കിലും മാത്രമേ ജീവിതത്തില്‍ സ്ഥാനം നല്‍കുകയുള്ളൂ...താന്‍ മുന്നോട്ട് പോവരുത് എന്ന ഈഗോ കാട്ടുന്ന ആരെയും കൂട്ടുപിടിക്കാന്‍ ഉദ്ദേശമില്ല.
ദാമ്പത്യം നല്‍കിയ വേദനകള്‍ മറന്ന് വീണ്ടും പഴയ ചുറുചുറുക്കുള്ള നടിയായി മാറിയിരിക്കുന്നു മീര. തമിഴ് അയ്യങ്കാര്‍ കുടുംബത്തിന്‍റെ കടുത്ത ചുറ്റുപാടുകളില്‍ നിന്ന് മോഡലിംഗിലേക്കും അവിടെ നിന്ന് ബിഗ് സ്ക്രീനിലേക്കും വന്ന മീരയ്ക്ക് അനുഭവങ്ങള്‍ തന്നെ ഗുരുക്കന്‍‌മാര്‍. മുംബൈയില്‍ ജനിച്ചു വളര്‍ന്ന മീര കുടുംബത്തോടൊപ്പം കോറിഗത്തിലുള്ള ഫ്ലാറ്റിലാണ് താമസം. അച്ഛന്‍ വാസുദേവന്‍ ഖത്തറില്‍ ജോലി നോക്കുന്നു. അമ്മ ഹേമ ബാങ്കില്‍ നിന്ന് വി‌ആര്‍‌എസ് എടുത്ത് മകള്‍ക്ക് തുണയായി കൂടെ. അനുജത്തി അശ്വിനി എം‌ബി‌എ ചെയ്യുന്നു.
