മലയാളത്തില്‍ ജയറാം ഇനി ഒരു വര്‍ഷം ഒരു സിനിമയില്‍ മാത്രമേ അഭിനയിക്കുകയുള്ളൂ. നല്ല സിനിമകളും നല്ല കഥാപാത്രങ്ങളും മാത്രം അവതരിപ്പിച്ചാല്‍ മതിയെന്ന കര്‍ക്കശമായ സമീപനമാണ് ജയറാം സ്വീകരിച്ചിരിക്കുന്നത്. സമീപകാലത്ത് പല ജയറാം ചിത്രങ്ങളും ശ്രദ്ധിക്കപ്പെടാതെ പോയതാണ് ഇങ്ങനെയൊരു തീരുമാനമെടുക്കാന്‍ ജയറാമിനെ പ്രേരിപ്പിക്കുന്നത്.
“ഒരുവര്‍ഷം ഒരു സിനിമയില്‍ അഭിനയിച്ചാല്‍ മതിയെന്നാണ്‌ എന്‍റെ തീരുമാനം. അത്‌ ബോധപൂര്‍വ്വം ഞാന്‍ തീരുമാനിച്ച കാര്യമാണ്‌. ഞാന്‍ അഭിനയിക്കുന്നത് നല്ല ക്വാളിറ്റിയുള്ള ചിത്രമായിരിക്കണമെന്നും നിര്‍ബന്ധമുണ്ട്‌. എല്ലാ ഓഫറും സ്വീകരിക്കാന്‍ താല്‌പര്യമില്ല. ആളുകളുടെ മനസില്‍ നിറഞ്ഞുനില്‍ക്കുന്ന നല്ല സിനിമയുടെ ഭാഗമാകാനാണ്‌ എനിക്ക്‌ താല്‌പര്യം” - മംഗളത്തിന് അനുവദിച്ച അഭിമുഖത്തില്‍ ജയറാം പറയുന്നു.
അടുത്ത പേജില്‍ - ‘നടന്‍’ എന്ന സിനിമയ്ക്ക് എന്ത് സംഭവിച്ചു എന്നറിയില്ല!
