അനുബന്ധ വാര്ത്തകള്
- സിദ്ദിഖും കെ പി എ സി ലളിതയും പത്രസമ്മേളനം നടത്തിയത് ദിലീപ് അഭിനയിക്കുന്ന ചിത്രത്തിന്റെ സെറ്റിൽ നിന്ന്: ജഗദീഷ്
- ‘വല്യേട്ടനും നാട്ടുരാജാവും ഒന്നും ചമയണ്ട, ദിലീപല്ല അമ്മയ്ക്ക് എല്ലാം’- താരങ്ങളുടെ ശബ്ദസന്ദേശം ചോര്ന്നു
- നടൻ സിദ്ദിക്കിന്റെ കടയുടെ ബോർഡ് നീക്കണമെന്ന് നഗരസഭ, പിന്നെയാവാമെന്ന് സിദ്ദിക്ക്; നാട്ടുകാർ ഇടപെട്ടു, വാക്കേറ്റം, കയ്യാങ്കളി!
- എല്ലാവരുടെയും ചരിത്രം എന്റെ കൈയിലുണ്ട്, ഇത് സിദ്ദിഖിന്റെ ധാര്ഷ്ട്യം; അമ്മയില് കലാപം - തുറന്നടിച്ച് ജഗദീഷ്
- ദിലീപ് അമ്മയിൽ അംഗമാണോ അല്ലയോ എന്ന് അമ്മ നേതൃത്വം വ്യക്തമാക്കണം: സിനിമ പ്രേക്ഷക കൂട്ടായ്മ
ഞാൻ പരമാവധി സഹിക്കും, എല്ലാവരുടെയും ചരിത്രം എനിക്കറിയാം, അവസാനം ഫഹദിനെപ്പോലെ പൊട്ടിത്തെറിക്കും: ജഗദീഷ്
താൻ പരമാവധി സഹിക്കുമെന്നും എന്നാൽ പരിധി വിട്ടാൽ അവസാനം പൊട്ടിത്തെറിക്കുമെന്നും നടൻ ജഗദീഷ്. എല്ലാവരുടെയും ചരിത്രം തനിക്കറിയാമെന്നും കൂടുതലൊന്നും വിട്ടുപറയാൻ തന്നെ പ്രേരിപ്പിക്കരുതെന്നും ജഗദീഷ് തുറന്നടിച്ചു. താരസംഘടനയായ അമ്മയിൽ സിദ്ദിക്കുമായി നടക്കുന്ന വാദപ്രതിവാദങ്ങൾക്ക് മറുപടിയെന്നോണമാണ് ജഗദീഷിന്റെ പ്രതികരണം.
ഒരു വാട്സ് ആപ്പ് സന്ദേശത്തിലാണ് ജഗദീഷ് രൂക്ഷമായി പ്രതികരിക്കുന്നത്. വരത്തൻ എന്ന സിനിമ എല്ലാവരും കാണണം. അതിലെ ഫഹദ് ഫാസിലിന്റെ കഥാപാത്രമാണ് ഞാൻ. എല്ലാം പരമാവധി സഹിക്കും. അവസാനം ഒരു പൊട്ടിത്തെറി ഉണ്ടാകും - ജഗദീഷ് വ്യക്തമാക്കി.
എല്ലാവരുടെയും ചരിത്രം എനിക്കറിയാം. ഒരു വാർത്താസമ്മേളനം വിളിച്ച് എല്ലാം വെളിപ്പെടുത്താൻ എനിക്ക് കഴിയും. പക്ഷേ അച്ചടക്കമുള്ള ആളാണ് ഞാൻ. എല്ലാ കാര്യങ്ങളും പുറത്തുപറയാൻ എന്നെ പ്രേരിപ്പിക്കരുത് - വാട്സ് ആപ്പ് സന്ദേശത്തിൽ ജഗദീഷ് പറയുന്നു.
