‘ആദാമിന്‍റെ മകന്‍ അബു’ എന്ന ചിത്രത്തിലെ അഭിനയത്തിന് സലിംകുമാറിന് പുരസ്കാരങ്ങള്‍ ലഭിച്ചപ്പോള്‍ സലിമിനേക്കാള്‍ പുരസ്കാരത്തിന് അര്‍ഹന്‍ മമ്മൂട്ടിയാണ് എന്ന് രഞ്ജിത് പറഞ്ഞിരുന്നു. ഇന്ത്യാവിഷന്‍റെ മുഖാമുഖത്തില്‍ രഞ്ജിത് അതിന് വിശദീകരണം നല്‍കുന്നുണ്ട്.
“സലിംകുമാര് എന്ന നടന് പുരസ്കാരം ലഭിക്കുമ്പോള്‍ അദ്ദേഹത്തിനെ അതിന് അര്‍ഹനാക്കിയ സിനിമ ഞാന്‍ കണ്ടിട്ടില്ല. മമ്മൂട്ടിയുടെ സിനിമ ഞാന്‍ കണ്ടിട്ടുള്ളതാണ്. ഞാന്‍ കണ്ടിട്ടുള്ള സിനിമകളില്‍ നിന്ന് മമ്മൂട്ടിയുടെ പ്രകടനമാണ് മികച്ചത് എന്നാണ് ഞാന്‍ പ്രതികരിച്ചത്. അത് മനസിലാക്കാതെ സലിംകുമാര് എന്ന ആ ചെറുപ്പക്കാരന്‍ എനിക്കെതിരെ സംസാരിക്കുകയായിരുന്നു. ആദാമിന്‍റെ മകന്‍ അബു ഇപ്പോഴും ഞാന്‍ കണ്ടിട്ടില്ല. അത് കണ്ടതിന് ശേഷം എന്‍റെ അഭിപ്രായം ഞാന്‍ പറയാം” - രഞ്ജിത് പറയുന്നു.
തിലകനെ വിലക്കിയതിനെക്കുറിച്ചുള്ള ചോദ്യത്തിന് രഞ്ജിത്തിന്‍റെ മറുപടി ഇങ്ങനെയാണ് - “സിനിമക്കാര്‍ക്കിടയിലെ പടലപ്പിണക്കങ്ങളോ, ഈഗോയോ, വിലക്കോ ഒന്നും സിനിമ കാണുന്നവര്‍ക്ക് വിഷയമല്ല. ഈ വിലക്കുകള്‍ ഒക്കെ കല്‍പ്പിക്കുന്നവര്‍ സ്വയം അപഹാസ്യരാകുകയാണ് ചെയ്യുന്നത്. അവര്‍ ആ സമയം സ്വന്തം സൃഷ്ടികളെ മെച്ചപ്പെടുത്താല്‍ ഉപയോഗിക്കുന്നതാവും മലയാള സിനിമയ്ക്ക് നല്ലത്.”
WEBDUNIA|
അടുത്ത പേജില്‍ - മോഹന്‍ലാല്‍ റീച്ചബിളാകാത്തത് എന്‍റെ കുറ്റമാകാം!
