കോയമ്പത്തൂര് സ്ഫോടന കേസില് പി ഡി പി നേതാവ് അബ്ദുള് നാസര് മദനിയെ കുറ്റവിമുക്തനാക്കി. ഇതോടെ സ്ഫോടന കേസില് ആരോപിക്കപ്പെട്ട എല്ലാ കുറ്റങ്ങളില് നിന്നും മദനി കുറ്റവിമുക്തനായി.
ഇന്നോ നാളെയോ അദ്ദേഹത്തെ ജയിലില് നിന്ന് മോചിപ്പിക്കുമെന്ന് അറിയുന്നു. ദൈവത്തിന് നന്ദി, ജനാധിപത്യത്തിന് നന്ദി, നീതിവ്യവസ്ഥയ്ക്ക് നന്ദി - കോടതി മുറിയില് വിധി പ്രസ്താവം കേട്ട അബ്ദുള് നസര് മദനിയുടെ ആദ്യ പ്രതികരണം ഇതായിരുന്നു.
FILE
FILE
അതേസമയം, കേസിലെ പ്രതികളില് ആദ്യ 29 പേര് കുറ്റകാരാണെന്ന് കോടതി കണ്ടെത്തി. ഇതില് അല്-ഉമ്മ നേതാവ് എസ് ഐ ബാഷയും ഉള്പ്പെടുന്നു.
1998 ഫെബ്രുവരി 14ന് കോയമ്പത്തൂരില് നടന്ന സ്ഫോടന പരമ്പരയിലാണ് മദനി പ്രതി ചേര്ക്കപ്പെട്ടിരുന്നത്. വര്ഗ്ഗീയ വിദ്വേഷം ആണ് സ്ഫോടന പരമ്പരയ്ക്ക് പിന്നിലെന്നാണ് തമിഴ് നാട് പൊലീസിന്റെ പ്രത്യേക അന്വേഷണ സംഘം കണ്ടെത്തിയത്.