ജേതാവും പരാജിതനും (വാമനനും മഹാബലിയും) ഒരേ പോലെ ആരാധിക്കപ്പടുന്ന സ്ഥലം തൃക്കാക്കരയില് മാത്രം.
T SASI MOHAN|
ഓണം എന്ന സങ്കല്പത്തിന്റെ അധിഷ്ഠാനമായ, വാമനമൂര്ത്തി മുഖ്യപ്രതിഷ്ഠയായിട്ടുള്ള ക്ഷേത്രം. അതാണ് എറണാകുളം ജില്ലയിലെ തൃക്കാക്കര ക്ഷേത്രം.
ജേതാവും പരാജിതനും (വാമനനും മഹാബലിയും) ഒരേ പോലെ ആരാധിക്കപ്പടുന്ന സ്ഥലം തൃക്കാക്കരയില് മാത്രം.
മഹാബലി വാമനന് മൂന്നടി മണ്ണ് ദാനം ചെയ്ത സ്ഥലമാണ് തൃക്കാക്കര എന്നാണ് ഐതീഹ്യം. മഹാവിഷ്ണുവിന്റെ അവതാരമായ വാമനമൂര്ത്തിയാണ് തൃക്കാക്കരയപ്പന്.
പാതളത്തിലേക്ക് ചവിട്ടി താഴ് ത്തുമ്പോള് തൊഴുകൈയോടെ നോക്കിയ മഹാബലിക്ക് മാത്രമായി വിശ്വരൂപ ദര്ശനം നല്കി അനുഗ്രഹിക്കുന്നമട്ടിലാണ് വാനനന്റെ പ്രതിഷ്ഠ.
തൊട്ടപ്പുറത്തുള്ള പുരാതനമായ ശിവക്ഷേത്രത്തില് മഹാബലി ആരധിച്ചിരുന്ന സ്വയംഭൂ ലിംഗമാണുള്ളത്. അതുകൊണ്ട് ഈ വാമനക്ഷേത്രത്തില് നമമ്മള് അറിയാതെ മഹാബലിയേയുമ്മ് ആരാധിച്ചു പോവുന്നു. അല്ലെങ്കില് ഈ ക്ഷേത്രത്തില് മഹാബലിക്കും വാനനനെ പോലെ പ്രാധാന്യം ഉണ്ട്.
മാനുഷ്യരെല്ലാരും ഒന്നുപോലെ എന്ന സങ്കല്പം അന്വര്ത്ഥമാക്കുന്ന തരത്തില് സന്ദര്ശകക്തക്കെല്ലാം തിരുവോണ സദ്യയും തൃക്കാക്കര ക്ഷേത്രത്തിന്റെ മാത്രം പ്രത്യേകതയാണ്.
കൊച്ചിയില് നിന്നു പത്തു കി.മീ. അകലെ ഇടപ്പള്ളി-പൂക്കാട്ടുപടി റോഡിലാണ് തൃക്കാക്കര ക്ഷേത്രം.
പത്തര ഏക്കര് വളപ്പില് രണ്ടു ക്ഷേത്രങ്ങളാണ്. വാമനക്ഷേത്രവും മഹാദേവക്ഷേത്രവും. വാമനക്ഷേത്രത്തിന് വലിയ വട്ടശ്രീകോവില്. പ്രധാന മൂര്ത്തി വാമനന് (വിഷ്ണു) കിഴക്കോട്ടു ദര്ശനം
അഞ്ചു പൂജ. തന്ത്രം പുലിയന്നൂര്. ഉപദേവത: ഭഗവതി, ശാസ്താവ്, ഗോപാലകൃഷ്ണന് (കടമ്പനാട്ട് തേവര്), നാഗം, രക്ഷസ്സ് കൂടാതെ മണ്ഡപത്തിന്റെ തെക്കേമൂലയില് യക്ഷി.
തെക്കു ഭാഗത്താണ് മഹാദേവര്ക്ഷേത്രം. ഇവിടെ പ്രധാനമൂര്ത്തി ശിവന്. സ്വയംഭൂവാണ്. തെക്കുംതേവര് ഗൗരീശങ്കര് എന്നു സങ്കല്പം. കിഴക്കോട്ടു ദര്ശനം. രണ്ടു പൂജ. തന്ത്രം പുലിയന്നൂര്. ഉപദേവത: പാര്വ്വതി, ദുര്ഗ്ഗ, സുബ്രഹ്മണ്യന്, ഗണപതി.
പ്രസിദ്ധ വൈഷ്ണവക്ഷേത്രമായ തിരുപ്പതിയും തൃക്കാക്കരയിലേതുപോലെ ത്രിവിക്രമരൂപം ധരിച്ച വാമനമൂര്ത്തിയാണെന്നു ചൂണ്ടിക്കാണിക്കപ്പെടുന്നുണ്ട്. തൃക്കാക്കര 108 വൈഷ്ണവ തിരുപ്പതികളില് ഒന്നുമാണ്