കൊച്ചി|
WEBDUNIA|
Last Modified ശനി, 23 ഫെബ്രുവരി 2013 (10:31 IST)
PRO
വിപ്രോ ലിമിറ്റഡിന്‍റെ ഐടി ബിസിനസ് യൂണിറ്റ് ആയ വിപ്രോ ഇന്‍ഫോടെക് സൂപ്പര്‍ ജീനിയസ് ഡെസ്ക്ടോപ് നിരയില്‍പ്പെടുന്ന പവര്‍ പിസി വിപണിയിലെത്തിക്കും. പവര്‍ ബാക്ക് അപ് സൗകര്യമുണ്ടെന്നതാണു ഡെസ്ക്ടോപ്പിന്‍റെ പ്രത്യേകത. ഈ ഉത്പന്നം ആദ്യമായി ലഭ്യമാകുന്നതു കേരളത്തിലാണ്.
വിപ്രോ സൂപ്പര്‍ ജീനിയസ് പവര്‍ കംപ്യൂട്ടറുകള്‍ക്ക് 120 മിനിട്ടു വരെ ബാക്ക് അപ് നല്‍കാന്‍ കഴിയും. കൂടാതെ വിപ്രോയുടെ പരിസ്ഥിതി സൗഹൃദ ഗ്രീന്‍ ഉത്പന്നങ്ങളില്‍പ്പെടുന്ന ഈ ഡെസ്ക്ടോപ്പുകള്‍ പ്രവര്‍ത്തിപ്പിക്കാന്‍ അന്‍പതു ശതമാനം വരെ കുറഞ്ഞ തോതില്‍ വൈദ്യുതി മതി.
100 - 300 വോള്‍ട്ട് എന്ന ആഗോള വോള്‍ട്ടെജ് നിരയാണു ഡെസ്ക് ടോപ്പില്‍ ഉപയോഗിച്ചിരിക്കുന്നതിനാല്‍ വൈദ്യുതി വ്യതിയാനങ്ങളെ ചെറുത്തു നില്‍ക്കാന്‍ കഴിയും. കൂടാതെ കോള്‍ഡ് സ്റ്റാര്‍ട്ട് ഓപ്ഷനുള്ളതിനാല്‍ വൈദ്യുതിയില്ലാതിരിക്കുമ്പോള്‍ പോലും ഇന്‍റഗ്രേറ്റഡ് പവര്‍ ബാക്ക് അപ് ഉപയോഗിച്ചു കംപ്യൂട്ടര്‍ റീസ്റ്റാര്‍ട്ട് ചെയ്യാന്‍ കഴിയും.
