ലോകത്തെ ഏറ്റവും ധനികരായ കായിക താരങ്ങളുടെ പട്ടികയില്‍ ടീം ഇന്ത്യയുടെ നായകന്‍ ധോണിയും. വരുമാനത്തില്‍ ടെന്നീസ് താരം ജോക്കോവിച്ചും ക്രിക്കറ്റ് ഇതിഹാസം സച്ചിന് ടെണ്ടുല്‍ക്കറും ധോണിക്ക് പിന്നിലാണ്. പരസ്യവരുമാനത്തില്‍ ഫുട്ബോള്‍ സൂപ്പര്‍ താരം മെസ്സിയേയും ധോണി പിന്നിലാക്കി.
ഏറ്റവും ധനികരായ 100 കായികതാരങ്ങളുടെ പട്ടിക ഫോബ്‌സ് ആണ് പുറത്തുവിട്ടത്. പട്ടികയില്‍ ധോണി മുപ്പത്തിയൊന്നാം സ്ഥാനത്താണ്. ജോക്കോവിച്ച് അറുപത്തിരണ്ടാം സ്ഥാനത്തും സച്ചിന് എഴുപത്തിയെട്ടാം സ്ഥാനത്തുമാണ്. ഫുട്ബോള്‍ താരം റൂണി മുപ്പത്തിയേഴാം സ്ഥാനത്താണ്.
ധോണിയുടെ വാര്‍ഷിക വരുമാനം 148.3 കോടി രൂപയാണ്. ഇതില്‍ 129 കോടി രൂപ പരസ്യത്തില്‍ നിന്നാണ്. സച്ചിന്റെ വാര്‍ഷിക വരുമാനം 104 കോടി രൂപയാണ്. ഇതില്‍ പരസ്യത്തില്‍നിന്ന് മാത്രമാണ് 92 കോടി രൂപയും വന്നത്. ക്രിക്കറ്റില്‍ നിന്ന് സച്ചിനും ധോണിയും മാത്രമാണ് പട്ടികയിലുള്ളത്.
പട്ടികയില്‍ പതിനൊന്നാം സ്ഥാനത്താണ് മെസ്സി. അതേസമയം പരസ്യ വരുമാനത്തില്‍ മെസ്സി ധോണിക്ക് പിന്നിലാണ്. 218 കോടി രൂപയാണ് മെസ്സിയുടെ വരുമാനം. ഇതില്‍ പരസ്യങ്ങളില്‍ നിന്ന് 106 കോടി രൂപയാണ് വരുമാനം.
