മാർച്ച്​ 31ന്​ അവസാനിക്കുന്ന ഹാപ്പി ന്യൂ ഇയർ ഓഫറിന്​ ശേഷവും റിലയൻസ്​ ജിയോ സൗജന്യ സേവനം തുടരുമെന്ന്​ സൂചന. മാർച്ച്​ 31ന്​ ശേഷം മൂന്ന്​ മാസത്തേക്ക്​ കൂടിയാവും ഇത്തരത്തിൽ ജിയോയുടെ സേവനം ലഭിക്കുക. ജൂൺ 30 വരെ പുതിയ ഓഫറിന് കാലവധിയുണ്ടായിരിക്കും.

പുതിയ ഓഫർ അനുസരിച്ച് വോയ്​സ്​ കോളുകൾ പൂർണ സൗജന്യമായിരിക്കും. എന്നാൽ ഡാറ്റ സേവനത്തിനായി 100 രൂപ അധികമായി നൽകേണ്ടി വരും. പുതിയ വാർത്തയെ കുറിച്ച്​ ഇതുവരെയായിട്ടും റിലയൻസ്​ പ്രതികരിക്കാൻ തയാറിയിട്ടില്ല.

ലോഞ്ച് ചെയ്ത് നാല് മാസത്തിനകം 72 മില്യൺ ഉപഭോക്​തകളുമായി ജിയോ ഇന്ത്യൻ ടെലികോം രംഗത്ത്​ ചരിത്രം കുറിച്ചിരുന്നു. സൗജന്യ സേവനം പിൻവലിച്ചാൽ ജിയോയുടെ ഉപഭോക്​തകളുടെ എണം കുറയുമെന്ന്​ ടെക്​ രംഗത്തെ വിദഗ്​ധർ അഭിപ്രായപ്പെട്ടിരുന്നു. എന്നാൽ ട്രായുടെ നിർദേശമുള്ളതാനാൽ മാർച്ച്​ 31ന്​
ശേഷം ജിയോക്ക്​ പൂർണമായ സൗജന്യം നൽകാനും കഴിയില്ല. അതുകൊണ്ടാണ്​ കുറഞ്ഞ നിരക്കിൽ സേവനം നൽകുക എന്ന തന്ത്രം റിലയൻസ്​ സ്വീകരിക്കുന്നത്​.