ആഗസ്റ്റ് മാസത്തില്‍ രാജ്യത്ത് ഏറ്റവും കൂടുതല്‍ വിറ്റഴിച്ച കാര്‍ എന്ന നേട്ടത്തോടെ മാരുതി സുസുക്കി ഡിസയര്‍. നിരത്തിലെത്തി ചുരുങ്ങിയ സമയം കൊണ്ട് മാരുതിയുടെ തന്നെ ആള്‍ട്ടോയെ മറികടന്നാണ് ഡിസയര്‍ ആദ്യമായി ഈ നേട്ടം കരസ്ഥമാക്കിയത്.

ഇതോടെ ഒന്നാം സ്ഥാനത്തുണ്ടായിരുന്ന ആള്‍ട്ടോ രണ്ടാം സ്ഥാനത്തേക്ക് പിന്തള്ളപ്പെട്ടു. ഓഗസ്റ്റില്‍ മാത്രം 26,140 യൂണിറ്റ് പുതിയ ഡിസയറാണ് വിറ്റഴിച്ചതെന്നാണ് റിപ്പോര്‍ട്ട്. 14,396 യൂണിറ്റുകള്‍ വിറ്റഴിച്ച വിറ്റാര ബ്രെസ നാലാം സ്ഥാനത്താണുള്ളതെന്നും സൊസൈറ്റി ഓഫ് ഇന്ത്യന്‍ ഓട്ടോമൊബൈല്‍ മാനുഫാക്ചറേഴ്‌ റിപ്പോര്‍ട്ട് ചെയ്യുന്നു.