അനുബന്ധ വാര്ത്തകള്
- കേരളവും മഹാരാഷ്ട്രയും ഒഴികെയുള്ള സംസ്ഥാനങ്ങളിൽ സിനിമാ തിയേറ്ററുകൾ തുറക്കുന്നു
- രാജ്യത്ത് പുതിയതായി കൊവിഡ് സ്ഥിരീകരിച്ചത് 44,230 പേര്ക്ക്; മരണം 555
- രാജ്യത്ത് വാക്സിനുകള് സംയോജിപ്പിച്ചുകൊണ്ടുള്ള പരീക്ഷണത്തിന് അനുമതി
- കേരളത്തിലെ കൊവിഡ് വ്യാപനത്തെ കുറിച്ച് പഠിക്കാന് കേന്ദ്ര സംഘം ഇന്നെത്തും
- കുറയാതെ കൊവിഡ് വ്യാപനം, സംസ്ഥാനത്ത് ഇന്ന് 22,064 പേർക്ക് കൊവിഡ്, 128 മരണം
നേട്ടമില്ലാതെ വിപണി ക്ലോസ് ചെയ്തു, സൺ ഫാർമയ്ക്ക് 10 ശതമാനം നേട്ടം
കഴിഞ്ഞ ദിവസത്തെ നേട്ടം നിലനിർത്താനാവാതെ വ്യാപാരആഴ്ചയുടെ അവസാനദിനം ഓഹരി സൂചികകൾ നഷ്ടത്തിൽ ക്ലോസ് ചെയ്തു.സെൻസെക്സ് 66.23 പോയന്റ് താഴ്ന്ന് 52,586.84ലിലും നിഫ്റ്റി 15.50 പോയന്റ് നഷ്ടത്തിൽ 15,763ലുമാണ് വ്യാപാരം അവസാനിപ്പിച്ചത്.
ഏറെ നേരം സൂചികകൾ നേട്ടത്തിലായിരുന്നുവെങ്കിലും പിന്നീടുണ്ടായ വിൽപന സമ്മർദ്ദമാണ് വിപണിയെ ബാധിച്ചത്. യൂറോപ്യൻ ഓഹരികളിലെ ഇടിവും ചൈനയിലടക്കമുണ്ടായ ഡെൽറ്റ വകഭേദത്തിന്റെ വ്യാപനവും നിക്ഷേപകരുടെ ആത്മവിശ്വാസം കെടുത്തി.
സൺ ഫാർമ, ടെക് മഹീന്ദ്ര, സിപ്ല, ശ്രീ സിമെന്റ്സ്, അദാനി പോർട്സ് തുടങ്ങിയ ഓഹരികളാണ് പ്രധാനമായും നേട്ടമുണ്ടാക്കിയത്. ഫാർമാ സൂചികകൾ 3.6 ശതമാനം ഉയർന്നു. ഓട്ടോ സൂചിക ഒരുശതമാനം നേട്ടമുണ്ടാക്കി. മെറ്റൽ, ധനകാര്യ ഓഹരികൾ വില്പനസമ്മർദംനേരിട്ടു.
