ഒരു മാസം മുമ്പുണ്ടായ പേശി വലിവില്‍ നിന്ന് ബോള്ട്ട് മുക്തനായിട്ടില്ലെന്നു വേണം റോമിലെ പ്രകടനത്തില്‍ നിന്ന് മനസ്സിലാക്കാന്‍. തുടക്കം നന്നായെങ്കിലും പതിവ് കരുത്ത് തന്റെ കാലുകള്‍ക്ക് ഉണ്ടായിരുന്നില്ല എന്നാണ് മത്സരശേഷം ബോള്ട്ട് പ്രതികരിച്ചത്.
ഈ സീസണില്‍ പങ്കെടുത്ത അഞ്ച് റെയ്‌സുകളിലും ഒന്നാമതെത്തിയ ഗാറ്റ്‌ലിന്‍ ലണ്ടന് ഒളിംപിക്‌സിന് ശേഷം ആധ്യമായാണ് ഉസൈന് ബോള്‍ട്ടിനൊപ്പം മത്സരിക്കുന്നത്. 2001ലും്, 2006ലും ഉത്തേജകം ഉപയോഗിച്ചതിന് വിലക്ക് നേരിട്ടിരുന്ന 31 കാരനായ ഗാറ്റ്‌ലിന്‍ ഓഗസ്റ്റിലെ മോസ്‌കോ ലോക ചാമ്പ്യന്‍ഷിപ്പില്‍ ബോള്‍ട്ടിന് കനത്ത വെല്ലുവിളി ഉയര്‍ത്തിയേക്കും.
