ഡേവിസ് കപ്പില്‍ ഏഷ്യ ഓഷ്യനിയ ഗ്രൂപ്പ് ഒന്നില്‍ ഇന്ത്യക്ക് വിജയത്തുടക്കം. പുരുഷ സിംഗിള്‍സിലെ ആദ്യ മത്സരത്തില്‍ ഇന്ത്യയുടെ യുകി ഭാംബ്രി വിജയം നേടി.
ചൈനീസ് തായ്‌പെയിയുടെ ഒന്നാം നമ്പര്‍ താരം സുംഗ് ഹുവാ യാംഗിനെയാണ് ഭാംബ്രി പരാജയപ്പെടുത്തിയത്. സ്‌കോര്‍: 6-2, 6-4, 6-7, 6-3. മൂന്നാം സെറ്റിലെ ഒന്‍പതാമത്തെ ഗെയിമിനിടെ ഇന്ത്യന്‍ താരത്തിന് പരുക്ക് പറ്റി. കാല്‍പാദത്തിനേറ്റ പരുക്ക് വകവെയ്ക്കാതെ കളി തുടര്‍ന്ന ഭാംബ്രി എതിരാളിയില്‍ തോല്‍‌പ്പിക്കുകയായിരുന്നു.
ഇതോടെ ഡേവിസ് കപ്പില്‍ ചൈനീസ് തായ്‌പെയിക്കെതിരെ ഇന്ത്യ 1-0ത്തിന് മുന്നിലെത്തി. ഒന്നാം റൗണ്ടില്‍ ജയം നേടിയാല്‍ കൊറിയയാകും രണ്ടാം റൗണ്ടില്‍ ഇന്ത്യയുടെ എതിരാളികള്‍. രണ്ടാം റൗണ്ടിലെ ജയം ലോക ഗ്രൂപ്പ് പ്ലേഓഫ് കളിക്കാന്‍ ഇന്ത്യയെ അര്‍ഹരാക്കും.
