ജൂനിയര്‍ വനിത ലോകകപ്പ് ഹോക്കിയില്‍ സെമിയില്‍ ഇന്ത്യ പുറത്ത്
ബെര്‍ലിന്‍|
WEBDUNIA|
PRO
PRO
ജൂനിയര്‍ വനിത ലോകകപ്പ് ഹോക്കിയില്‍ സെമിയില്‍ ഇന്ത്യ പുറത്തായി. ജൂനിയര്‍ വനിത ലോകകപ്പ് ഹോക്കിയില്‍ ആദ്യമായി സെമി ഫൈനലിലെത്തിയ ഇന്ത്യയെ ഹോളണ്ടാണ് തകര്‍ത്തത്. എതിരില്ലാതെ മൂന്ന് ഗോളുകള്‍ക്കാണ് ഇന്ത്യ ഹോളണ്ടിനോട് തോറ്റത്.
നിലവിലെ ചാംപ്യന്‍മാരായ ഹോളണ്ടിന് ശരിക്കും വിയര്‍ക്കേണ്ടി വന്നു ഇന്ത്യ ടീമിന്റെ മുമ്പില്‍. നിര്‍ഭാഗ്യം കൊണ്ടുമാത്രമാണ് ഇന്ത്യന്‍ ടീമിന് ഗോള്‍ നേടാന്‍ കഴിയാഞ്ഞത്. പ്രീ കോര്‍ട്ടറില്‍ സ്‌പെയിനെ തോല്‍പ്പിച്ചാണ് ഇന്ത്യന്‍ ജൂനിയര്‍ വനിതകള്‍ സെമിയില്‍ കടന്നത്.
ചരിത്രത്തിലാദ്യമായിട്ടാണ് ജൂനിയര്‍ ലോകകപ്പ് ഹോക്കി സെമി ഫൈനലില്‍ ഇന്ത്യന്‍ വനിത ടീം കടന്നത്. ജര്‍മനിയിലെ ബെര്‍ലിനിലാണ് ലോകകപ്പ് മത്സരങ്ങള്‍ നടക്കുന്നത്.
