ജയപുര|
vishnu|
Last Modified ബുധന്‍, 11 മാര്‍ച്ച് 2015 (11:27 IST)
എഎഫ്സി കപ്പ് ഫുട്‌ബോളില്‍ ഐ ലീഗ് ചാമ്പ്യന്മാരായ ബംഗളൂരു എഫ്സിക്ക് തോല്‍വി. ഗ്രൂപ്പ് മത്സരത്തില്‍ ഇന്‍ഡൊനീഷ്യന്‍ ടീമായ പെര്‍സിപുര ജയപുരയാണ് ഇന്ത്യന്‍ ക്ലബ്ബിനെ തോല്‍പ്പിച്ചത് (3-1). രണ്ട് മത്സരത്തില്‍നിന്ന് ഒരു ജയവും ഒരു തോല്‍വിയുമുള്ള ബംഗളൂരു രണ്ടാം സ്ഥാനത്താണ്.
റോബര്‍ട്ടീനോ പുഗ്ലിയാരയുടെ ഇരട്ടഗോളുകള്‍ക്ക് പുറമേ ഇയാന്‍ കബെസുവാണ് പെര്‍സിപുരയ്ക്കായി സ്‌കോര്‍ ചെയ്തത്. ബെംഗളൂരുവിന്റെ ഗോള്‍ മലയാളി താരം സികെ വിനീത് ഇഞ്ചുറിടൈമില്‍ നേടി. ഗ്രൂപ്പില്‍ നാല് ടീമുകളാണുള്ളത്. ഹോം ആന്‍ഡ് എവേ അടിസ്ഥാനത്തിലാണ് മത്സരങ്ങള്‍. കൂടുതല്‍ പോയന്റ് നേടുന്ന രണ്ട് ടീമുകള്‍ നോക്കൗട്ട് റൗണ്ടിലേക്ക് യോഗ്യതനേടും.
