പത്തു മുഖങ്ങളും പത്തു കാലുകളും മഹാകാളിക്കുണ്ട്. ഇരുണ്ട നീല നിറമാണ്. ആഭരണത്തോടു കൂടിയ കാളി എട്ടുകൈകളിലും പല ആയുധങ്ങള്‍ ഏന്തിയിരിക്കുന്നു. വാള്‍, ചക്രായുധം, അമ്പ്, ഗദ, ശൂലം, വില്ല്, പരിച,കുന്തം. കവണ രക്തത്തോടു കൂടിയ ഒരു മനുഷ്യ ശിരസ്സ്, ശംഖ് എന്നിവയാണ് അവ. ദേവിയുടെ തമോഗുണ പ്രഭാവമാണിത്. മഹാവിഷ്ണുവിനെ വരെ ‘യോഗനിദ്രയില്‍’ ആക്കിയ പ്രഭാവമാണിത്. അസുരന്‍‌മാരായ മധുവിനെയും കൈതവനെയും നിഗ്രഹിക്കുന്നതിനായി പിന്നീട് ബ്രഹ്‌മാവിന്‍റെ അപേക്ഷപ്രകാരമാണ് ദേവി മഹാവിഷ്ണുവിനെ യോഗനിദ്രയില്‍ നിന്നുണര്‍ത്തിയതത്രേ.
മഹാലക്ഷ്മിയുടെ 18 കൈകള്‍
മഹാലക്ഷ്മിയുടെ രണ്ടാമത്തെ ഗുണം ‘രജോഗുണം’ പവിഴം പോലെ ദേവിയുടെ നിറം ചുവപ്പാകുന്ന അവസ്ഥയാണിത്. ഈ ഭാവത്തില്‍ ദേവിയെ 18 കൈകളിലും മാലയുമായി കാണാം . മഴു, താമര, വില്ല്, നിറകുടം, ഗദ, വജ്രായുധം, വാള്‍, ദണ്ഡ്, പരിച, ശംഖ്, മണി, പാത്രം, കുന്തം, ത്രിശൂലം, കുടുക്ക്, സുദര്‍ശന ചക്രം തുടങ്ങിയ ആയുധങ്ങള്‍ വഹിച്ചിരിക്കുന്നു.
WD
എല്ലാ ദേവന്‍‌മാരുടെയും ശക്തിയുമായി പിറന്നവളാണെങ്കിലും അവള്‍ ശക്തിയുടെ മാത്രം പ്രതീകമല്ല. ദുഷ്ട ശക്തികളെ നിഗ്രഹിക്കാനുള്ള ക്രോധത്തിന്‍റെ പ്രതീകം കൂടിയാണ്. അതുകൊണ്ടാണ് യുദ്ധത്തിന്‍റെയും രക്തത്തിന്‍റെയും നിറമായ ചുവന്ന നിറം അവള്‍ക്ക് വന്നത്. അവളാണ് മഹിഷാസുരനെ നിഗ്രഹിച്ചത്. ‘ശക്തിയുടെ’ ഉപാസകരെല്ലാം അതുകൊണ്ട് അവളെ ‘മഹിഷാസുരമര്‍ദ്ധിനി’ യായി ആരാധിക്കുന്നത്.
