ആദ്ധ്യാത്മിക യാത്രയുടെ ഈ അധ്യായത്തില്‍ ഞങ്ങള്‍ നിങ്ങളെ ഗുജറാത്തിലെ വഡോദരയിലുള്ള കാശി വിശ്വനാഥ ക്ഷേത്രത്തിലേക്കാണ് നയിക്കുന്നത്. ഏതാണ്ട് 120 വര്‍ഷങ്ങള്‍ക്ക് മുമ്പ് സയാജി റാവു ഗെയ്ക് വാദിന്‍റെ ഭരണകാലത്താണ് ഈ ചരിത്രപ്രസിദ്ധമായ ക്ഷേത്രം പണികഴിപ്പിച്ചത്.

കാലാന്തരത്തില്‍ ഈ ക്ഷേത്രം സ്വാമി വല്ലഭ് റാവുജിക്ക് കൈമാറി. അദ്ദേഹത്തിന് ശേഷം ഈ ക്ഷേത്രം സ്വാമി ചിദാനന്ദ സരസ്വതിയുടെ നിയന്ത്രണത്തിലായിരുന്നു. 1948ല്‍ അദ്ദേഹം ഇത് പുതുക്കിപ്പണിതു. സ്വാമി ചിദാനന്ദ സരസ്വതിയുടെ മരണശേഷം ഈ ക്ഷേത്രം ഒരു ട്രസ്റ്റിന് കൈമാറി. തുടര്‍ന്ന് ആ ട്രസ്റ്റാണ് ക്ഷേത്രം പരിപാലിച്ചുപോരുന്നത്.

പട്ടണത്തിലെ ഗെയ്ക് വാദ് പാലസിന് എതിര്‍ദിശയിലായാണ് ക്ഷേത്രം സ്ഥിതിചെയ്യുന്നത്. ക്ഷേത്രത്തിന്‍റെ പ്രവേശന കവാടം വളരെ മനോഹരവും കൊത്തുപണികളാല്‍ അലങ്കൃതവുമാണ്. പ്രവേശന കവാടത്തില്‍ കരിങ്കല്ലില്‍ പണികഴിപ്പിച്ച മനോഹരമായ നന്ദി പ്രതിമ കാണാം.

നന്ദി പ്രതിമയോട് ചേര്‍ന്ന് ഒരു ആമയുടെ പ്രതിമയും സ്ഥാപിച്ചിട്ടുണ്ട്. ഭാഗ്യത്തിന്‍റെയും സമ്പത്തിന്‍റെയും പ്രതീകമാണിത്. നന്ദി പ്രതിമയുടെ ഇരുവശങ്ങളിലുമായി, കവാടത്തിന്‍റെ കോണില്‍ സ്വാമി വല്ലഭ റാവുവിന്‍റെയും സ്വാമി ചിദാനന്ദയുടെയും കല്‍ പ്രതിമകള്‍ സ്ഥാപിച്ചിട്ടുണ്ട്. << < 1 2 > >> അനുബന്ധ വാര്‍ത്തകള്‍ പൂച്ചയുടെ അവകാശി ടെക്‌സ്‌റ്റൈല്‍ ഉടമ ട്രെയിനില്‍ നിന്ന് വീണുമരിച്ചു ഒറീസയില്‍ പ്രതീക്ഷയോടെ കോണ്‍ഗ്രസ് ഡിക്ലയര്‍ തീരുമാനം വിവാദത്തിലേക്ക് സൌമ്യ വധം: പ്രതികള്‍ റിമാന്‍ഡില്‍ ഇതിനെക്കുറിച്ച് കൂടുതല്‍ വായിക്കുക : വഡോധര കാശി വിശ്വനാഥ് ക്ഷേത്രം