മഹാകാല ദേവന്‍റെ നഗരമായ ഉജ്ജൈനി ക്ഷേത്ര നഗരം എന്ന പേരിലാണ് അറിയപ്പെടുന്നത്. ഈ നഗരത്തിലെ ഒരു തെരുവില്‍ ചുരുങ്ങിയത് ഒരു ക്ഷേത്രമെങ്കിലും നിങ്ങള്‍ക്ക് കാണാം. എന്നാല്‍ നാഗ് ചന്ദ്രേശ്വര്‍ ക്ഷേത്രത്തിന് വളരെ സവിശേഷതയുണ്ട്.
ഇത് മഹാകാലേശ്വര ക്ഷേത്രത്തിന്‍റെ മുകളിലാണ് സ്ഥിതിചെയ്യുന്നത്. മാത്രമല്ല, വര്‍ഷത്തില്‍ ഒരിക്കല്‍ നാഗപഞ്ചമി നാളില്‍ മാത്രമെ ക്ഷേത്രം തുറക്കുകയുള്ളു. ഈ ദിവസം നാഗങ്ങളുടെ രാജാവെന്ന് വിശേഷിപ്പിക്കപ്പെടുന്ന തക്ഷക ദേവനെ തൊഴാനായി ആയിരക്കണക്കിന് ഭക്തന്മാര്‍ അവിടെയെത്തുന്നു.
വളരെ ദൂരെദിക്കില്‍ നിന്നു പോലും ആളുകള്‍ ഇവിടെ എത്താറുണ്ട്. നാഗപഞ്ചമി നാളിലെ 24 മണിക്കൂറിനുള്ളില്‍ രണ്ട് ലക്ഷത്തോളം ആളുകളാണ് ക്ഷേത്രത്തില്‍ എത്തുക.
FILE
WD
ക്ഷേത്രത്തിനകത്ത് ശിവന്‍, ഗണപതി, പാര്‍വതി എന്നിവരുടെ വിഗ്രഹങ്ങളുണ്ട്. നാഗത്തിന്‍റെ പുറത്താണ് ഈ ശിവന്‍റെ ഇരിപ്പിടം. ശിവന്‍ പാമ്പിന്‍റെ മുകളില്‍ ഇരിക്കുന്ന മട്ടില്‍ ഒരു ക്ഷേത്രം ലോകത്ത് മറ്റെവിടെയും ഇല്ല. സാധാരണ ഗതിയില്‍ അനന്ത ശായിയായ വിഷ്ണുവിനെ ക്ഷേത്രങ്ങളില്‍ കാണാറുണ്ട്.
ഈ വിഗ്രഹത്തില്‍ ശിവന്‍ കഴുത്തിലും കൈകളിലും നാഗാഭരണങ്ങള്‍ അണിഞ്ഞിട്ടുണ്ട്. തക്ഷകന് ശിവനെ പ്രാര്‍ത്ഥിച്ച് കൊടും തപസ് ചെയ്തു. ശിവന്‍ പ്രത്യക്ഷനായി തക്ഷകന് വരം നല്‍കി. അതുകൊണ്ട് തക്ഷകന് അമരനായിരിക്കും. അന്നു മുതല്‍ ശിവനോടൊപ്പമാണ് തക്ഷകന്‍റെ വാസം.
