ഇന്ത്യാക്കാരുടെ ഭക്തിയും ആത്മീയ കാര്യങ്ങളിലുള്ള താല്‍‌പര്യവും പ്രസിദ്ധമാണ്. സ്വാര്‍ത്ഥതയില്ലാതെ മറ്റുള്ളവരെ സഹായിക്കുന്നതിനുള്ള മനോഭാവവും ഇന്ത്യാക്കാര്‍ക്കുണ്ട്. മാനുഷികത കുഞ്ഞായിരിക്കുമ്പോള്‍ തന്നെ മാതാപിതാക്കള്‍ കുട്ടികളെ പഠിപ്പിക്കുന്നത് കൊണ്ടാകും ഇത്.
പക്ഷികള്‍ക്കായി ക്വിന്‍റല്‍ കണക്കിന് ധാന്യങ്ങള്‍ വിതറുന്ന കാഴ്ച നിങ്ങള്‍ കണ്ടിട്ടുണ്ടോ? ഈ ധാന്യങ്ങള്‍ കൊത്തിയെടുക്കാന്‍ എത്തുന്ന ആയിരക്കണക്കിന് തത്തകളെ കണ്ടിട്ടുണ്ടോ? ഇത്തരം ഒരു ദൃശ്യം കാണാനാകുന്ന സ്ഥലത്തേക്കാണ് ഇപ്രാവശ്യത്തെ തീര്‍ത്ഥാടനത്തില്‍ നിങ്ങളെ കൊണ്ടു പോകുന്നത്. മദ്ധ്യപ്രദേശില്‍ ഇന്‍ഡോറില്‍ പഞ്ച്കുയിയാന് ക്ഷേത്രമാണ് സ്ഥലം.
പഞ്ച്കുയിയാന് ഹനുമാന്‍ ക്ഷേത്രത്തിലെ പ്രധാന പ്രതിഷ്ഠ ഹനുമാന്‍ സ്വാമിയാണ്. ഈ ക്ഷേത്രത്തില്‍ ആയിരക്കണക്കിന് തത്തകളെ കാണാന്‍ കഴിയും. ഇവിടെ മനുഷ്യര്‍ മാത്രമല്ല തത്തകളും അതിരറ്റ ഭക്തി പ്രകടിപ്പിക്കുന്നുണ്ട്. ക്ഷേത്രത്തിനുള്ളില്‍ ശിവ ഭഗവാന്‍റെ ഒരു ചെറിയ പ്രതിഷ്ഠയുമുണ്ട്.
WD
WD
ഈ തത്തകള്‍ നിരവധി വര്‍ഷങ്ങളായി ക്ഷേത്രത്തിലെത്തുന്നതായി ഇവിടെയുള്ള സന്യാസിമാര്‍ പറയുന്നു. ദിവസവും നാല് ക്വിന്‍റല്‍ ധാന്യങ്ങള്‍ തത്തകള്‍ക്കായി ഇവിടെ വിതറുന്നുണ്ട്.
