തിരുമേനി പുണ്യം നേടാന്‍ മുങ്ങി നടന്ന തീര്‍ത്ഥക്കുളങ്ങളിലൊക്കെ ചാത്തന് തന്‍റെ കൈയിലുള്ള ചുരയ്ക്ക മുക്കി എടുത്തു. എന്തിനെന്നോ? ചുരയ്ക്കയുടെ കയ്പ് പോകാതിരുന്നതുപോലെ തീര്‍ത്ഥസ്നാനം കൊണ്ട് മാത്രം മനുഷ്യന് പുണ്യം നേടാന്‍ കഴിയില്ലെന്ന് എല്ലാവരേയും ബോധ്യപ്പെടുത്താന്‍. അത് തിരുമേനിയ്ക്ക് ബോധ്യമായി.
തിരുമേനിയേക്കാള്‍ ജ്ഞാനിയാണ് ചാത്തന്. തന്നെക്കാള്‍ മുമ്പ് പരബ്രഹ്മസ്വരൂപം ചാത്തനാണ് അറിഞ്ഞത്. തിരുമേനി ചാത്തനെ സാഷ്ടാംഗം നമസ്കരിച്ചു, ഗുരുവായി സ്വീകരിച്ചു. ചാത്തന് ജീവിതാന്ത്യംവരെ ഒച്ചിറയില്‍ പരബ്രഹ്മത്തെ ധ്യാനിച്ചു കഴിഞ്ഞൂകൂടി.
