ചുറ്റു മതിലിനുള്ളിലൂടെ വലം വയ്‌ക്കുകയാണെങ്കില്‍ തെക്കു വശത്തുള്ള ദശഭുജ (10 കൈകള്‍) ഗണപതിയെ പൂജിക്കാനാകും. പടിഞ്ഞാറ് ഭാഗത്ത് ആദി ശങ്കരന്‍റെ തപ പീഠമുണ്ട്. ഇതിനു മുന്നിലായി ശങ്കരാചാര്യ കൃതികളിലെ ഉദ്ധരണിയോടു കൂടി അദ്ദേഹത്തിന്‍റെ ഒരു വെണ്ണക്കല്‍ പ്രതിമയുണ്ട്. ക്ഷേത്ര ഭാരവാഹികളില്‍ നിന്നും പ്രത്യേക അനുമതി വാങ്ങിയാല്‍ ശങ്കരാചാര്യ പീഠം ദര്‍ശിക്കാനാകും. ക്ഷേത്രത്തിന്‍റെ വടക്കു പടിഞ്ഞാറ് ഭാഗത്ത് വീരഭദ്രേശ്വരന്‍റെ പ്രതിമയോടു കൂടിയ ഒരു യജ്ഞശാലയുമുണ്ട്. മൂകാസുരനുമായുള്ള ദേവിയുടെ പോരാട്ടത്തില്‍ സഹായിയായി പ്രവര്‍ത്തിച്ചത് വീരഭദ്രനാനെന്നാണ് പുരാണത്തില്‍ പറയുന്നത്. വിഭൂദി പൂജയാണ് വീരഭദ്രനു നല്‍കുന്നത്.
ചുറ്റു മതിലിനു വെളിയില്‍, ബലി പീഠം, ദ്വജസ്തംഭം, ദീപസ്തംഭം എന്നിവ കാണാനാകും. ദ്വജസ്തംഭം സ്വര്‍ണ്ണം പൂശിയതാണ്. കാര്‍ത്തിക മാസത്തിലെ ദീപോത്സവം ഇവിടത്തെ ഏറ്റവും വലിയ ആകര്‍ഷണമാണ്. ഈ ദിവസം ദീപസ്തംഭത്തിലെ എല്ലാ വിളക്കുകളും തെളിയിക്കുന്നത് ഭക്തിയുടെ വെളിച്ചം ആരാധകരുടെ മനസ്സില്‍ നിറയ്ക്കും.
