പുരുഷന്‍മാരെ വശീകരിച്ച് പണം തട്ടുന്ന യുവതി പൊലീസ് പിടിയില്‍. സമ്പന്നരും പ്രമുഖരുമായ പുരുഷന്‍മാരുടെ പിന്നാലെ കൂടി വശീകരിച്ച് പണം തട്ടുന്ന സംഘത്തിലെ മുഖ്യ കണ്ണിയാണ് അറസ്റ്റിലായ ഹസീന എന്ന യുവതി.

30 ലക്ഷം രൂപ തട്ടാനുള്ള ശ്രമത്തിനിടെയാണ് യുവതിയെ പൊലീസ് പിടികൂടിയത്. അറസ്റ്റിലായ യുവതിയെ ചോദ്യം ചെയ്തപ്പോള്‍ ഞെട്ടിക്കുന്ന കഥകളാണ് പുറത്തുവരുന്നത്. സിനിമാ കഥകളെ പോലും വെല്ലുന്ന ജീവിത കഥയാണ് ഹസീനയുടേത്. ഒരു കരാറുകാരനെ ഭീഷണിപ്പെടുത്തി 30 ലക്ഷം രൂപ തട്ടാന്‍ ശ്രമിച്ചെന്ന കേസിലാണ് പൊലീസ് ഹസീനയെ അറസ്റ്റ് ചെയ്തത്.

യുവതി അറസ്റ്റിലായ സ്ഥിതിക്ക് കൂടുതല്‍ പേര്‍ പരാതിയുമായി എത്തുമെന്ന പ്രതീക്ഷയിലാണ് പൊലീസ്. പെണ്‍കെണി ഒരുക്കി പ്രമുഖരില്‍ നിന്ന് ലക്ഷങ്ങളാണ് യുവതി കൈവശപ്പെടുത്തിയത്. പ്രമുഖരായ വ്യക്തികളുടെ പട്ടികയുണ്ടാക്കി പരിചയപ്പെടുകയാണ് യുവതിയുടെയും സംഘത്തിന്റെയും ആദ്യ ദൗത്യം.

സോഷ്യല്‍ മീഡിയ വഴിയാണ് പ്രമുഖരുമായി അടുപ്പമുണ്ടാക്കുകയും വലയില്‍ വീഴ്ത്തുകയും ചെയ്യുക. തുടര്‍ന്ന് നഗ്നചിത്രങ്ങള്‍ ഓണ്‍ലൈന്‍ വഴി കൈമാറും. പിന്നീട് യാത്ര പ്ലാന്‍ ചെയ്കയും അവിടെ വച്ച നിരവധി ഫോട്ടോസുകള്‍ എടുക്കുകയും ചെയ്യും. പിന്നീട് ഈ ഫോട്ടോകള്‍ കുടുംബങ്ങളെ കാണിക്കുമെന്ന് ഭീഷണിപ്പെടുത്തിയാണ് പണം ആവശ്യപ്പെടുക എന്ന് ഹസീന പൊലീസിനോട് പറഞ്ഞു.