സെന്‍‌ട്രല്‍ ഡല്ഹി രഞ്ജിത് നഗറിലെ വീട്ടില്‍ ഗുരുതരാവസ്ഥയില്‍ കണ്ടെത്തിയ സഹോദരനും സഹോദരിയും മരിച്ചു. വിദ്യാര്‍ഥിയായ വിശാല്(19), സഹോദരി ശിവാനി(23) എന്നിവരാണ് മരിച്ചത്.
തിങ്കളാഴ്ച രാത്രി 8:45 ഓടെയായിരുന്നു സംഭവം. വീടിന്റെ ഒന്നാം നിലയില്‍, തലയ്ക്ക് മാരകമായ മുറിവുകളോടെ ഇരുവരേയും കണ്ടെത്തിയത് ഇവരുടെ പിതാവായിരുന്നു. ഉടന്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
ഇവരെ പുറത്തു നിന്ന് ആരെങ്കിലും എത്തി ആക്രമിച്ചതാണോ എന്നത് സംബന്ധിച്ച് പൊലീസ് അന്വേഷണം തുടങ്ങിക്കഴിഞ്ഞു.
