രാജസ്ഥാനില്‍ സബ്സിഡി ലഭിക്കണമെങ്കില്‍ ഞാന്‍ ദരിദ്രനാണ് എന്ന് എഴുതിയ ബോർഡുകൾ വീടുകളിൽ സ്ഥാപിക്കണമെന്ന് സർക്കാറിന്റെ നിർദേശം. ഭക്ഷ്യധാന്യങ്ങൾ സബ്​സിഡി നിരക്കിൽ ലഭിക്കാനാണ് ഇത്. ഞാൻ ദരിദ്രനാണ്​ ദേശീയ ഭക്ഷ്യ സുരക്ഷാ നിയമമനുസരിച്ചുള്ള സർക്കാർ റേഷൻ സ്വീകരിക്കുന്നു എന്നാണ്​ വീടുകളുടെ മുൻ ചുമരിൽ സർക്കാർ പെയ്ൻറ്​ ചെയ്യുന്നത്​.

സര്‍ക്കാറിന്റെ ഈ നടപടി രാജസ്ഥാനിലെ ദൗസ് ജില്ലയിലെ ഒന്നര ലക്ഷത്തിലധികം വീടുകളിൽ പൂർത്തിയായി കഴിഞ്ഞു. സംസ്ഥാനത്തിലെ മറ്റു ജില്ലകളിലേക്കും വ്യാപിപ്പിക്കുമെന്നാണ് പുറത്തു വരുന്ന റിപ്പോർട്ട്. സര്‍ക്കാറിന്റെ ഈ പ്രവര്‍ത്തിയിലൂടെ അപമാനിതരാകുന്നത് രാജസ്ഥാനിലെ പാവപ്പെട്ട ജനങ്ങളാണ്. ഇത് സർക്കാർ തങ്ങളെ ദരിദ്രരായി പരിഹസിക്കുന്നതാണെന്ന് ഗ്രാമസികൾ പറയുന്നു.