ജപ്പാനിലെ അണുവികിരണം അപകടാവസ്ഥയിലായത് ലോകത്തെയാകമാനം പരിഭ്രാന്തിയിലാക്കിയിരിക്കുകയാണ്. നിരവധി ആണവ പ്ലാന്റുകളുള്ള ഇന്ത്യയുള്‍പ്പെടെയുള്ള രാജ്യങ്ങള്‍ ആശങ്കയോടെയാണ് കാര്യങ്ങള്‍ നോക്കിക്കാണുന്നത്. വികിരണത്തെ പ്രതിരോധിക്കുന്നത് എങ്ങനെയെന്നറിയാതെ ബുദ്ധിമുട്ടുന്ന ജനത്തിന് പ്രകൃതിയില്‍ നിന്ന് തന്നെ ചില ഉപായങ്ങള്‍ ഇന്ത്യന്‍ ഗവേഷകര്‍ പറഞ്ഞു തരികയാണ്.
ഉള്ളി പോക്കറ്റില്‍ കൊണ്ടു നടക്കുന്നതും വീടിന്റെ പുറം ചുവരുകളില്‍ ചാണകം മെഴുകുന്നതും അണുവികിരണത്തെ തടയാന്‍ സഹായിക്കും എന്നാണ് കണ്ടെത്തല്‍. അതിശക്തമായ ഗാമ രശ്മികളെ പ്രതിരോധിക്കാന്‍ ഈ രീതികള്‍ സഹായിക്കും.
ആല്‍ഫ, ബീറ്റ, ഗാമ എന്നീ മൂന്ന് രശ്മികളെയും വലിച്ചെടുക്കാന്‍ ചാണകത്തിന് സാധിക്കും. അതിനാല്‍ വീടിന്റെ പുറം ചുവരുകളില്‍ ഇത് നന്നായി മെഴുകണം. അങ്ങനെ അകത്തുള്ളവര്‍ക്ക് സുരക്ഷിതരായിരിക്കാം. പരമ്പരാഗത ഇന്ത്യന്‍ രീതിയാണിതെന്ന് ഗവേഷകര്‍ പറയുന്നു.
പയറുവര്‍ഗങ്ങളും കടുക് എണ്ണയും ചര്‍മ്മത്തില്‍ തേച്ചു പിടിപ്പിക്കുന്നതിലൂടെയും വികിരണത്തെ പ്രതിരോധിക്കാം.
ചെര്‍ണോബില്‍ ആണവദുരന്തം നിരവധി പേരുടെ മരണത്തിന് കാരണമായിരുന്നു. ആയിരക്കണക്കിന് ജനങ്ങള്‍ ഇപ്പോഴും നിത്യരോഗികളായി കഴിയുകയാണ്.
