പുനെ|
WEBDUNIA|
Last Modified വെള്ളി, 22 മെയ് 2009 (10:05 IST)
മഹാരാഷ്ട്രയിലെ ഗദ്‌ചിരോലി ജില്ലയില്‍ ബുധനാഴ്ച വൈകിട്ട് നടന്ന മാവോയിസ്റ്റ് ആക്രമണത്തില്‍ 16 പൊലീസുകാര്‍ കൊല്ലപ്പെട്ടു. മരിച്ചവരില്‍ നാല് സ്ത്രീകളും ഒരു ഇന്‍സ്പെക്ടറും ഉള്‍പ്പെടുന്നു.
ഗദ്‌ചിരോലി ജില്ലയിലെ ഹത്തിഗോട്ടയില്‍ വച്ച് രണ്ട് വാഹനങ്ങളിലായി വന്ന പൊലീസുകാര്‍ക്ക് നേരെ നക്സലുകള്‍ നിറയൊഴിക്കുകയായിരുന്നു. വൈകിട്ട് 4:30 ന് ആണ് ആക്രമണം നടന്നത് എന്ന് അധികൃതര്‍ വെളിപ്പെടുത്തുന്നു.
ധനോര ഉപ-ജില്ലയിലെ രണ്ടാമത്തെ വലിയ മാവോയിസ്റ്റ് ആക്രമണമാണ് കഴിഞ്ഞ ദിവസം നടന്നത്. നെരത്തെ, മോര്‍ക്കയില്‍ നടന്ന ആക്രമണത്തില്‍ 15 പൊലീസുകാര്‍ കൊല്ലപ്പെട്ടിരുന്നു.
മാവോ ആക്രമണങ്ങളെ സര്‍ക്കാര്‍ കടുത്ത നടപടിയിലൂടെ നേരിടുമെന്ന ആഭ്യന്തര സഹമന്ത്രി നിതിന് റാവത് വ്യക്തമാക്കിയിട്ടുണ്ട്.
