പെണ്‍കുട്ടികളുടെ നഗ്നപോസ്റ്ററുകള്; ഒപ്പം മൊബൈല്‍ നമ്പറും
ഇന്റോര്|
WEBDUNIA|
Last Modified ചൊവ്വ, 31 ജനുവരി 2012 (16:36 IST)
മധ്യപ്രദേശിലെ ഇന്റോറില്‍ പെണ്‍കുട്ടികളുടെ നഗ്നപോസ്റ്ററുകള് പതിച്ചതായി കണ്ടെത്തി. നഗ്നചിത്രങ്ങള്‍ക്കൊപ്പം ഫോണ്‍ നമ്പറുകളുമുണ്ട്. ടക്കോഗഞ്ച് പൊലീസ് സ്റ്റേഷന് സമീപം റീഗല്‍ സ്വയറിലാണ് പോസ്റ്ററുകള്‍ പ്രത്യക്ഷപ്പെട്ടത്. നിരവധി ആ‍ളുകളാണ് പോസ്റ്റര്‍ കാണാന്‍ തടിച്ചുകൂടിയത്.
എന്നാല്‍ കടുത്ത പ്രതിഷേധം ഉയര്‍ന്നതിനേ തുടര്‍ന്ന് പൊലീസ് എത്തി അവ നീക്കം ചെയ്തു. യൂണിവേഴ്സിറ്റി കാമ്പസിന്റെ മതിലിലും ബസ്റ്റാന്റിലും റെയില്‍‌വേ സ്റ്റേഷനിലുമാണ് ഇത്തരം പോസ്റ്ററുകള്‍ പതിച്ചത്.
എന്നാല്‍ ആരാണ് ഇതിന് പിന്നില്‍ എന്ന് വ്യക്തമായിട്ടില്ല. ചിത്രങ്ങള്‍ യഥാര്‍ത്ഥത്തില്‍ ഉള്ളതാണോ മോര്‍ഫ് ചെയ്തവയാണോ എന്നും വ്യക്തമല്ല. പോസ്റ്ററുകളിലെ ഫോണ്‍ നമ്പറുകള്‍ വ്യാജമാണോ എന്നും അന്വേഷിക്കുന്നുണ്ട്.
പ്രണയനൈരാശ്യം മൂലം ആരെങ്കിലും പ്രതികാ‍രം ചെയ്തതാവാം എന്നാണ് പൊലീസ് സംശയിക്കുന്നുണ്ട്. സിറ്റി ക്രൈംബ്രാഞ്ച് അന്വേഷണം ഊര്‍ജ്ജിതമാക്കിയിട്ടുണ്ട്.
