ന്യൂഡല്ഹി: പാന്കാര്ഡിലും ആധാര് കാര്ഡിലുമുള്ള വിലാസങ്ങള് ഏകീകരിക്കാന് കേന്ദ്ര ധനമന്ത്രാലയം തീരുമാനിച്ചു. പാന് കാര്ഡിനുള്ള അപേക്ഷയ്ക്ക് ആധാര് കാര്ഡ് നിര്ബന്ധമാക്കാനാണ് ഒരുങ്ങുന്നത്. ചിലര് ഒന്നില് കൂടുതല് പാന് കാര്ഡുകള് നേടിയെടുക്കുന്നത് തടയാനാണിത്. ആധാര് കാര്ഡുകളില് രേഖപ്പെടുത്തിയ വിലാസത്തില് പാന്കാര്ഡുകള് നല്കാനായാല് ഒന്നില് കൂടുതല് പാന് കാര്ഡ് നേടുന്നത് അവസാനിപ്പിക്കാനാകും.
