നിയമസഭാ തെരഞ്ഞെടുപ്പ് നടന്ന നാല് സംസ്ഥാനങ്ങളിലെ വോട്ടെണ്ണല്‍ ഞായറാഴ്ച. ഡല്ഹി ,രാജസ്ഥാന്‍, മധ്യപ്രദേശ്, ഛത്തിസ്ഗഢ് എന്നീ സംസ്ഥാനങ്ങളിലെ വോട്ടെണ്ണല്‍ ആണ് ഞായറാഴ്ച നടക്കുക. അതേസമയം മിസോറാമില്‍ തിങ്കളാഴ്ചയാണ് വോട്ടെണ്ണല്‍.
വോട്ടെണ്ണലിനുള്ള സജ്ജീകരണങ്ങള്‍ പൂര്‍ത്തിയായതായി തെരഞ്ഞെടുപ്പു കമ്മീഷന്‍ വ്യക്തമാക്കി. ത്രികോണ മത്സരം നടക്കുന്ന ഡല്ഹി നിയമസഭാ തെരഞ്ഞെടുപ്പില്‍ റെക്കോര്‍ഡ് പോളിംഗ് ആണ് ഇത്തവണ നടന്നത്. അതേസമയം ഡല്‍ഹിയില്‍ തൂക്കുമന്ത്രി സഭ വരുമെന്നാണ് എക്സിറ്റ് പോള്‍ പ്രവചനം പറയുന്നത്.
മധ്യപ്രദേശിലും രാജസ്ഥാനിലും ബിജെപി ഭരണത്തില്‍ വരുമെന്ന് ടൈംസ് നൌ- സി വോട്ടര്‍ അഭിപ്രായ സര്‍വേ പ്രവചിക്കുന്നു. എന്നാല്‍ ഛത്തീസ്ഗഡില്‍ പാര്‍ട്ടിയ്ക്ക് കോണ്‍‌ഗ്രസുമായി കടുത്ത മത്സരം നേരിടേണ്ടി വരും.
