ചെന്നൈ|
WEBDUNIA|
Last Modified ഞായര്‍, 13 ഏപ്രില്‍ 2014 (14:44 IST)
PRO
PRO
ബിജെപിയുടെ പ്രധാനമന്ത്രി സ്ഥാനാര്‍ഥി നരേന്ദ്ര മോഡി ഇന്ന് സൂപ്പര്‍ സ്റ്റാര്‍ രജനികാന്തുമായി കൂടിക്കാഴ്ച്ച നടത്തും. ചെന്നൈയിലെ സൗത്ത് മണ്ഡലത്തിലെ ബിജെപി സ്ഥാനാര്‍ഥി എല്‍ ഗണേശന്റെ തെരഞ്ഞെടുപ്പ് പ്രചാരണവുമായി ബന്ധപ്പെട്ടാണ് നരേന്ദ്ര മോഡി എത്തുന്നത്.
തികച്ചും വ്യക്തിപരമായ കൂടിക്കാഴ്ച്ചയായിരിക്കുമെന്നാണ് തമിഴ്‌നാടിന്റെ ചുമതലയുള്ള ബിജെപി ജനറല്‍ സെക്രട്ടറി പി മുരളീധര്‍ റാവു അറിയിച്ചത്.
തെരഞ്ഞെടുപ്പിനെയും നരേന്ദ്ര മോഡിയെയും വേര്‍തിരിക്കാന്‍ കഴിയില്ലന്ന് കൂടിക്കാഴ്ച്ചയെകുറിച്ച് ചോദിച്ചപ്പോള്‍ പി മുരളീധര്‍ റാവു പറഞ്ഞു. ഇന്നു രാത്രി 7.30 ഓടെയായിരിക്കും മോഡി രജനികാന്തിനെ കാണുന്നത്. തമിഴ്‌നാട്ടില്‍ എന്‍ഡിഎ സഖ്യം നിലവില്‍ വന്ന ശേഷം ആദ്യമായിട്ടാണ് നരേന്ദ്ര മോഡി ഇവിടെ എത്തുന്നത്.
