ചെന്നൈ|
Last Modified ബുധന്‍, 11 ജൂണ്‍ 2014 (11:54 IST)
വളരെ കുറഞ്ഞ നിരക്കില്‍ ഭക്ഷണ സാധനങ്ങള്‍ വിതരണം ചെയ്യുന്ന ഹോട്ടല്‍ ശൃംഖല '
അമ്മ ഉണവകം'
ജയലളിത സര്‍ക്കാരിന്‍റെ വിപ്ലവ തീരുമാനങ്ങളില്‍ ഒന്നായിരുന്നു. ഇത് വന്‍ വിജയമായതോടെ വെറും 10 രൂപയ്ക്ക് കുപ്പി വെള്ളവും രംഗത്തെത്തിച്ചു. അതും ജനങ്ങള്‍ ഇരുകൈയും നീട്ടി സ്വീകരിച്ചു. ഇപ്പോഴിതാ ഉപ്പില്‍ പരീക്ഷണത്തിനൊരുങ്ങുകയാണ് എ ഐ എ ഡി എം കെ സര്‍ക്കാര്‍.
'അമ്മ ഉപ്പ്' എന്ന പേരില്‍ കുറഞ്ഞ നിരക്കില്‍ ഉപ്പ് വിപണിയിലെത്തിക്കുകയാണ് സര്‍ക്കാര്‍. തമിഴ്നാട് സോള്‍ട്ട് കോര്‍പ്പറേഷനാണ് ഈ ഉപ്പ് നിര്‍മ്മിക്കുന്നത്. മൂന്ന് തരത്തിലുള്ള ഉപ്പ് പായ്ക്കറ്റുകളാണ് വിപണിയിലെത്തിക്കുക.
'അമ്മ ഉപ്പ്' വരുന്നതുമായി ബന്ധപ്പെട്ട് തമിഴ്നാട്ടിലെ എല്ലാ പത്രങ്ങളിലും വന്‍ പരസ്യമാണ് ജയലളിത സര്‍ക്കാര്‍ നല്‍കിയിരിക്കുന്നത്.
