വികലാംഗനായ യാചകന് സ്വന്തം ജീവിതം നല്‍കിയ ലൈംഗികത്തൊഴിലാളിയാണ് ഇന്ന് നവമാധ്യമങ്ങളുടെ ചര്‍ച്ച. പരസ്പരം താങ്ങും തണലുമായി കഴിയുന്ന ഇരുവരുടെ പ്രണയകഥ ഇന്ന് ലോകം മൊത്തം അറിയുന്നതാണ്. ലൈംഗികത്തൊഴിലാളിയായിരുന്ന രാജിയ ബീഗവും യാചകനായ അബ്ബാസ്മിയായുമാണ് ഈ പ്രണകഥയിലെ കഥാപാത്രങ്ങള്‍.

സൌന്ദര്യക്കുറവിന്റെയും സാമ്പത്തികക്കുറവിന്റെയും പോരായ്മകള്‍ ചൂണ്ടിക്കാണിച്ച് നിരന്തരം പോരടിക്കുന്ന ദമ്പതിമാര്‍ക്ക് ഇവര്‍ ഒരു മാതൃക തന്നെ. പ്രശസ്ത ഫോട്ടോഗ്രാഫറായ ജിഎംബി ആകാശാണ് ഈ ദമ്പതികളുടെ ചിത്രം ലോകത്തെ പരിചയപ്പെടുത്തിയത്. ഫേസ്ബുക്കിലൂടെയാണ് ആകാശ് ഈ ചിത്രം പങ്കുവെച്ചത്. ഫേസ്ബുക്കിലൂടെ ലോകം അറിഞ്ഞ ഇവരുടെ പ്രണയകഥ എങ്ങനെയാണ് തുടങ്ങിയതെന്ന് ആകാശ് പോസ്റ്റ് ചെയ്തിരുന്നു. മികച്ച പ്രതികരണമാണ് ഈ പോസ്റ്റിന് ലഭിച്ചത്.