അഹമ്മദാബാദില്‍ നിന്ന് ന്യൂഡല്‍ഹിയിലേക്കുള്ള യാത്രാമധ്യേ വിമാനത്തില്‍ യാത്രക്കാരന് മരിച്ചു. പ്രദീപ് കുമാര്‍ (52) എന്ന ഡോക്ടറാണ് മരിച്ചത്.
വ്യാഴാഴ്ച രാവിലെ അഹമ്മദാബാദില്‍ നിന്ന് വന്ന ഇന്ഡിഗൊ 6E-156 വിമാനത്തിലാണ് യാത്രക്കാരന് മരിച്ചത്. ഇയാളെ അബോധാവസ്ഥയില്‍ കണ്ടതിനെ തുടര്‍ന്ന് വിമാനത്തില്‍ യാത്ര ചെയ്തിരുന്ന രണ്ട് ഡോക്ടര്‍മാര്‍ അടിയന്തിര വൈദ്യ സഹായം നല്‍കിയെങ്കിലും ജീവന്‍ രക്ഷിക്കാനായില്ല.
ഡല്‍ഹിയില്‍ ലാന്‍ഡ് ചെയ്ത ഉടന്‍ പ്രദീപിന്റെ മൃതദേഹം പോസ്റ്റ്മാര്‍ട്ടം നടത്തുന്നതിനായി കൊണ്ടുപോയി.
