ന്യൂഡല്ഹി: തന്‍റെ അനുയായികള്‍ പ്രതിഷേധമെന്ന പേരില്‍ അക്രമങ്ങള്‍ നടത്തിയാല്‍ തന്‍റെ ശ്രമങ്ങള്‍ ഉപേക്ഷിക്കേണ്ടിവരുമെന്ന് അണ്ണാ ഹസാരെയുടെ മുന്നറിയിപ്പ്. താന്‍ നടത്തുന്ന നിരാഹാര സമരം റിപ്പോര്‍ട്ട് ചെയ്യാനെത്തിയ മാധ്യമ പ്രവര്‍ത്തകരെ തന്‍റെ അനുയായികള്‍ അക്രമിച്ച സംഭവത്തില്‍ ഹസാരെ ഖേദം പ്രകടിപ്പിച്ചു. മാധ്യമങ്ങളുമായി ചേര്‍ന്ന് ജനാധിപത്യവ്യവസ്ഥിതിയെ ശക്തിപ്പെടുത്തുകയാണ് ചെയ്യേണ്ടത്. പ്രതിഷേധങ്ങള്‍ സമാധാനപരമാകണം - ഹസാരെ പറഞ്ഞു.
