ഉദയ്പൂർ കൊലപാതക കേസിലെ പ്രതികളെ എൻഐഎ ഇന്ന് ചോദ്യം ചെയ്യും. ചാവേർ ആക്രമണങ്ങൾ നടത്താൻ പദ്ധതിയിട്ടിരുന്ന ചില ഗ്രൂൂപ്പുകളിൽ പ്രതികൾ അംഗങ്ങളായിരുന്നുവെന്ന് കണ്ടെത്തിയിട്ടുണ്ട്. പ്രതിയായ മുഹമ്മദ് ഗൂസെ പാക് സന്ദർശനം നടത്തിയത് സംശയകരമാണെന്നും പോലീസ് പറയുന്നു.

ഉദയ്പൂർ കൊലപാതകത്തെ തുടർന്ന് ഇന്നലെ ചേർന്ന സർവക്ഷിയോഗം കൊലപാതകത്തെ അപലപിക്കുകയും അക്രമങ്ങളിലേക്ക് തിരിയരുതെന്ന് ജനങ്ങളോട് ആവശ്യപ്പെടുകയും ചെയ്തിരുന്നു. അതേസമയം സർക്കാരിൻ്റെ കഴിവ് കേടാണ് കൊലപാതകത്തിൽ കലാശിച്ചതെന്ന് പ്രതിപക്ഷമായ ബിജെപി കുറ്റപ്പെടുത്തി. പ്രതികളുടെ പാക് ബന്ധത്തിൽ കൂടുതൽ തെളിവ് കണ്ടെത്താനാണ് രാജസ്ഥാൻ പോലീസും എൻഐഎയും ശ്രമിക്കുന്നത്.

ഇതിനിടെ സംസ്ഥാനത്ത് കനത്ത ജാഗ്രതതുടരുകയാണ്. സംഘർഷ സാധ്യത കണക്കിലെടുത്ത് ദില്ലി ഉത്തർപ്രദേശ് സംസ്ഥാനങ്ങളും കടുത്ത ജാഗ്രതയിലാണ്.